"Барилга байгууламжийн эрчим хүчний үр ашгийг дээшлүүлэх нь" төслийн хурал боллоо

“Монгол дахь барилга байгууламжийн эрчим хүчний үр ашгийг дээшлүүлэх/ төсвийн хөрөнгө оруулалтыг сайжруулснаар эрчим хүчний хэмнэлтийг нэмэгдүүлэх нь” төслийн удирдах хорооны хурал өчигдөр боллоо. Хурлыг нийслэлийн Хүний хөгжил, нийгмийн бодлогын асуудал хариуцсан орлогч Ш.Анхмаа даргалж, тус төслийн захирал Дэвид Ханкок болон бусад холбогдох албаны хүмүүс оролцов.

Хурлын эхэнд  төслийн 2019 оны төсвийн гүйцэтгэл болон 2020 оны төсвийн мэдээллийн товч танилцууллаа.

Мөн хурлаар 2020 оны төслийн төлөвлөгөөг хэлэлцэн батлах, энэ онд төслийн үйл ажиллагаанд зориулан Швейцарийн хөгжлийн агентлаг болон ХБНГУ-ын Холбооны эдийн засгийн хөгжил, хамтын ажиллагааны яамнаас санхүүжилт авах шаардлагыг тодорхойлох зэрэг асуудлуудыг хэлэлцэж, харилцан санал солилцлоо.

Швейцарийн хөгжлийн агентлаг, ХБНГУ-ын Холбооны эдийн засаг хөгжлийн яамны хамтарсан санхүүжилттэй Германы олон улсын хамтын ажиллагааны нийгэмлэг (GIZ), Нийслэлийн Засаг даргын Тамгын газартай хамтран “Монгол дахь барилга байгууламжийн эрчим хүчний үр ашгийг дээшлүүлэх нь” төслийн амжилттай хэрэгжүүлж байгаа билээ. Уг төслийг хэрэгжүүлсэнээр,
1. Эрчим хүчний алдагдлыг бууруулах
2. Нүүрсхүчлийн хийн ялгарал болон дотоод ба гадаад орчны агаар дахь жижиг ширхэгт тоосонцрын хэмжээг бууруулах
3. Оршин суугдын амьдралын чанар, эрүүл мэндийн нөхцлийг сайжруулах
4. Барилгын насжилтыг уртасгах зэрэгт маш чухал ач холбогдолтой юм.
 

Эх сурвалж: barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.