“Barilga Basketball” 2020 тэмцээний бүртгэл эхэллээ

“Barilga Basketball” 2020 тэмцээний бүртгэл эхэллээ

Барилгын салбарын өрнүүн их ажлын нээлт болгож, жил бүрийн хавар  уламжлал болон зохион байгуулагддаг “Barilga Basketball- 2020” сагсан бөмбөгийн аварга шалгаруулах тэмцээн 9 дэх жилдээ 3 дугаар сарын 13-15- ны өдрүүдэд МҮЭСТО-ны “Тэмүүжин” спорт цогцолборын зааланд болох гэж байна. Энэхүү тэмцээн нь барилгын салбарын төрийн болон төрийн бус байгууллагууд, хувийн хэвшлийн  ажилтан, албан хаагчдын харилцаа холбоог сайжруулах, хамтын ажиллагааг өргөжүүлэх, бие биетэйгээ танилцан нөхөрлөх зорилготой юм.
Тэмцээнд зөвхөн барилгын салбарын ажилтан, албан хаагчид оролцох төдийгүй оролцогч нь тухайн байгууллагадаа хамгийн багадаа сүүлийн хоёр сар нийгмийн даатгал төлсөн байх шаардлагатай. Энэ удаагийн тэмцээний онцлог нь гурван өдрийн турш зохион байгуулагдах бөгөөд эхний өдрийн тоглолт 2020.03.13-ны баасан гаригт 16 цагаас эхлэнэ. Мөн гурван онооны шидэлтийн тэмцээн зохион байгуулагдах юм.

Нийт шагналын сан 7,000,000 төгрөг бөгөөд тэмцээний эхний гурван байрт шалгарсан баг, тамирчдад цом, медаль, өргөмжлөл, мөнгөн шагнал, эрэгтэй, эмэгтэй “шилдэг тоглогч” тус бүр өргөмжлөл, мөнгөн шагнал гардуулна.

Тэмцээний техникийн зөвлөгөөн 2020 оны гуравдугаар сарын 11-ны 15.00 цагт “Барилга.МН” оффист болно. Мөн тухайн өдрөөр бүртгэлийн хугацаа дуусахыг анхаарна уу!

Ерөнхий зохион байгуулагч:  “Барилга МН”
Хамтран зохион байгуулагч:  Барилга, хот байгуулалтын яам, Барилгын хөгжлийн төв
Хэзээ: 2020.03.13-15
Хаана: МҮЭСТО - ны “Тэмүүжин” спорт цогцолбор
Бүртгэлийн хураамж: Баг тус бүр 500 000 төгрөг, “Barilga.mn” сайтын гишүүн байгууллага бол 450 000  төгрөг
Холбоо барих:  99995681, 86806010, 91000233



                                                              Энд дарж бүртгүүлнэ үү


Багийн мэдүүлэг татах                     Тэмцээний удирдамж үзэх 


Барилгачин залуус Та бүхэн спортлог өдрүүдэд нэгдээрэй 
Эх сурвалж: barilga.mn

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    sonirhogch 17 өдрийн өмнө 112.72.15.42

    zuvhun barilgiin salbariinhan orhuu
    Х.Барилга МН 17 өдрийн өмнө 112.72.15.42

    Сайн байна уу тэгнээ.