Арван аймагт дулааны станц барих ажил ирэх таван сард эхэлнэ

Арван аймагт дулааны станц барих ажил ирэх таван сард эхэлнэ

Монгол Улсын Засгийн газрын гишүүн, Эрчим хүчний сайд Ц.Даваасүрэн аймаг, нийслэлийн Засаг дарга нартай хамтран ажиллах гэрээнд гарын үсэг зуралцсан билээ. \2020.01.24\ Гэрээнд улсын төсвийн хөрөнгө оруулалтаар хийгдэх орон нутгийн цахилгаан хангамж болон дулаан хангамжийг шинэчлэх, шинээр барих болон өргөтгөх ажлуудын барилга угсралтын ажлуудыг тусгасан юм. Орон нутагт бие даасан цахилгаан дулааны станцуудын үйл ажиллагааны чадавхыг нэмэгдүүлэх, шугам сүлжээний аюулгүй байдлыг ханган ажиллах зэрэгт хамтын ажиллагаа чухал юм. Эрчим хүчний салбарын бодлогын хүрээнд 2020 онд Нийслэл болон орон нутагт томоохон төслүүд хэрэгжүүлэхээр шийдвэр гарсан.
Тодруулбал: БНСУ-ын "ЭКСИМ" банкны хөнгөлөлттэй зээлийн хүрээнд 2020 онд 10 аймагт шинээр дулааны станц барихаар болсон байна. Дулааны станцуудыг барих ажил ирэх 5 дугаар сараас эхэлж Завхан, Говь-Алтай, Баянхонгор, Өвөрхангай, Архангай, Дундговь, Говьсүмбэр, Төв, Хэнтий аймгуудад дулааны станц барьж, Сүхбаатар аймгийн дулааны станцын хүчин чадлыг өргөтгөх аж. Одоогийн байдлаар ажил гүйцэтгэгч байгууллагын сонгон шалгаруулах бэлтгэл ажил өрнөж байна. 

 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.