ХАБЭА -н асуудал хариуцсан ажилтан бэлтгэх сургалт амжилттай боллоо

ХАБЭА -н асуудал хариуцсан ажилтан бэлтгэх сургалт амжилттай боллоо

“Барилгын сургалт, хөгжлийн академи” /БСХА/ -аас зохион байгуулж байгаа хөдөлмөрийн аюулгүй байдал, эрүүл ахуйн асуудал хариуцсан ажилтны мэргэшүүлэх сургалт энэ сарын 20-оос 24-ний хооронд амжилттай зохион байгуулагдлаа. Сургалтанд барилгын салбарын болон бусад салбарын нийт 14 суралцагч суралцаж салбарынхаа онцлог, гол сэдвүүдийн талаарх мэдлэгийг амжилттай суралцсан байна.

Энэ хугацаанд ХАБЭА -тай холбоотой хууль, дүрэм журам, стандарт, зааврын танилцуулга хичээл орж, үйлдвэрийн осол болон эрсдэлийн үнэлгээ хийх, үйлдвэрлэл дээр мөрдөх дүрэм журам, өргөн тээвэрлэх машины төхөөрөмжийн аюулгүй ажиллагаа, 3 шатны зааварчилгаа өгөх арга зүй гэх мэт ХАБЭА -н ажилтаны заавал мэдвэл зохих гол, гол мэдлэг, ур чадварыг олж авчээ. Мөн онолын мэдлэгээс гадна эрсдэлийн үнэлгээ хийх, үйлдвэрийн ослоос урьдчилан сэргийлэх, осолдсон ажилтанд анхан шатны тусламж үзүүлэх гэх мэт бүлгийн дадлага ажлууд хийгдсэн байна.


Иймээс сургалтыг төгссөн суралцагчид өөрсдийн байгууллагадаа очоод ХАБЭА-н мэргэжилтнээр ажиллах бүрэн мэдлэг, бололцоотой болж чаджээ.

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.