Орон сууц худалдан авсны буцаан олголтын материал авч эхэллээ

Орон сууц худалдан авсны буцаан олголтын материал авч эхэллээ

Хувь хүний орлогын албан татварын хөнгөлөлт, буцаан олголтын материалыг энэ сарын нэгнээс авч эхэллээ. Анх удаа орон сууц худалдан авч байгаа иргэд энэ хөнгөлөлтөд хамрагддаг. 2019 онд орон сууц худалдан авсан иргэд 2020 оны хоёрдугаар сарын 15-ны дотор бичиг баримтаа бүрдүүлж харьяа дүүргийнхээ татварын газар болон Дүнжингарав, Драгон, Оргил, Мишээл зэрэг нийслэлийн үйлчилгээний нэгдсэн төвд өгөх юм. Ингэхдээ орон сууц худалдан авсан баримтыг ebarimt.mn-с хэвлэн авсан байх шаардлагатай. 
Өнгөрсөн оны гуравдугаар сард батлагдсан хуулинд амьдран суух зориулалтаар анх удаа орон сууц худалдан авсан, орон сууц барьсан бол нэг удаа 3 сая төгрөгийн татварын хөнгөлөлт эдлүүлдэг байсныг  6 сая төгрөг болгон нэмэгдүүлэхээр тусгасан. Энэ нь 2020 оны нэгдүгээр сарын нэгнээс хойш орон сууц худалдан авсан иргэдэд хамааралтай юм. Гэхдээ 6 сая хүртэлх төгрөгийн буцаан олголтыг 2021 онд олгох юм байна. Одоогийн татварын буцаан олголт нь 2019 онд орон сууц худалдан авсан иргэдэд хамааралтай юм.

Бүрдүүлэх материалын дэлгэрэнгүй мэдээллийг ЭНД ДАРЖ аваарай. 

Холбоотой мэдээ