Барилга.МН сэтгүүл 2019 оны их бүтээн байгуулалтыг онцоллоо

Барилга.МН сэтгүүл 2019 оны их бүтээн байгуулалтыг онцоллоо

Барилга.МН сэтгүүлийн хамт олон бид  бүтээн байгуулагчдаа үргэлж дэмжин салбартаа тэргүүлэгчдийн үзэл бодол, хийж бүтээсэн ажлын тухай нийтлэл, ярилцлага, салбарын мэдээ мэдээллийг уншигчдадаа цаг алдалгүй хүргэдэг билээ. Бид энэ оны сүүлийн дугаартаа 2019 оны их бүтээн байгуулалтыг онцлон, 2020 оны төлөв байдлын талаарх мэдээ, мэдээллийг бэлтгэн хүргэж байна.
Б
арилгын салбарын дотоод болон гадаадын хөгжил дэвшил,  шинэ оныг угтсан интерьер зөвлөгөө, мэргэжлийн зөвлөмж, судалгаа, үнэ ханш, үр өгөөжтэй ярилцлагууд зэрэг салбарын олон мэдээллийг багтаасан “Барилга.МН” сэтгүүлийн 115 дахь дугаар уншигч таны гарт очлоо. Энэ удаагийн дугаарт…


Дугаарын зочин 

Барилгын салбарынхны хувьд 2019 он бүтээн байгуулалт ихтэй жил байлаа. Нийслэл болон аймаг, төвлөрсөн суурин газруудын цэвэрлэх байгууламжийг шинэчлэх, “Төрөөс барилгын салбарын талаар баримтлах бодлого”-оо батлуулж, 10 жилийн хугацааны бодлогоо тодорхойлсон гэх мэт нэрлэвэл нэлээдгүй. Тэгвэл 2020 онд барилгын салбарт тэр тусмаа баялаг бүтээгчдээ дэмжсэн ямар ажил, бодлого боловсруулж, баримталж ажиллах талаар Барилга, хот байгуулалтын дэд сайд Б.Мөнхбаатартай ярилцлаа. 

Амжилтын эзэд

Барилгын салбарт хийж бүтээсэн ажлаараа нийгэмд нөлөөлж, мэргэжил нэгтнүүдээ тэргүүлэн манлайлж буй эрхэм хүмүүсийг урин оролцуулдаг “Амжилтын эзэд” дуэль ярилцлагын энэ оны сүүлийн дугаарыг уншигч танд хүргэж байна. Энэ удаагийн дугаарт  Монголын барилгын салбарын анхдагч компаниудын нэг “Улаанбаатар барилга” ХХК-ийн ТУЗ-ийн дарга, Монгол улсын болон Буриад улсын гавьяат барилгачин Б.Жүгдэр, “UA Пропертиз” ХХК -ийн захирал А.Урангоо нар оролцлоо. Манай сэтгүүлийн дуэль ярилцлагын булан сэтгүүлчээс үл хамааран зочид өөрсдийн сонирхсон асуултаа тавьж хоорондоо халуун дулаан яриа өрнүүлдгээрээ онцлог бөгөөд залуу үеийн санал, ахмад үеийн туршлага, тэдэнд тулгарч буй нийтлэг асуудал зэрэг өргөн сэдвийн хүрээнд сонирхолтой ярилцлага хийлээ. 


Төлөв байдал
2019 оны нийгэм, эдийн засгийн нөхцөл байдалдаа дүгнэлт хийж, цаашдын чиг хандлагаа тодорхойлж, ирэх жилийн хийх ажлаа нарийн төлөвлөх цаг мөч хүн бүрийн өмнө ирээд байна. Тиймээс улс орныхоо эдийн засаг, ирэх оны төсөв зэргийг судалж, олон улсын байгууллагууд, холбогдох агентлаг, газрууд, салбарын мэргэжилтнүүдийн үнэлэлт, дүгнэлтийг та бүхэнд хүргэж байна. Азийн хөгжлийн банк, Дэлхийн банк, Монголбанк болон СЭЗИС - ийн Санхүүгийн тэнхимийн дэд профессор, эдийн засагч, Ж.Дэлгэрсайханы нар 2019 оны хувьд эдийн засаг ямар байсан , 2020 онд ямар төлөв байдалтай байгаа талаар тодруулгыг сэтгүүлийн шинэ дугаараас уншаарай. 

Мэдээ мэдээлэл 

2019 онд Барилга бүтээн байгуулалтын салбарт хамгийн их хөрөнгө оруулалт, томоохон бүтээн байгуулалт өрнөсөн жил боллоо. Барилгын салбараас Монгол Улсын дотоодын нийт бүтээгдэхүүнд оруулсан хувь хэмжээ оны эхний хагас жилийн байдлаар 9.3 хувиар буюу 230.7 тэрбум төгрөгөөр өсч, улсын хэмжээнд хийгдсэн барилга угсралт, их засварын хэмжээ ч урьдчилсан гүйцэтгэлээр 1.9 их наяд төгрөгт хүрч нэмэгдсэн байна. Монгол Улсын бүтээн байгуулалтын гол талбар Барилга, хот байгуулалтын салбарт болсон 2019 оны “онцлох 10 үйл” явдлыг нэрлэж байна. 

Судалгаа

ШУТИС - ийн Архитектурын салбарын магитср оюутнууд хамтран Монгол, БНХАУ, Канад, Амеркийн гудамж зам, замын дагуух ногоон байгууламжийн стандартыг өнөөгийн Улаанбаатар хотын гудамж замын төлөвлөлт, ногоон байгууламжийн  норм, стандартын биелэлттэй харьцуулсан судалгааг гаргасан байна. Энэхүү судалгаагаар ямар үнэлэлт, дүгнэлт гарсныг Барилга.МН сэтгүүлийн судалгаа булангаас сонирхон уншаарай.  

Мэргэжлийн зөвлөмж

Өмнөх 114 дугаарт нийтэлсэн мэргэжлийн инженер техникийн ажилтнуудад зориулан зөвлөх инженер Д.Энхбаатарын бичсэн “Өвлийн нөхцөлд бетон цутгах технологи”-ийн талаарх нийтлэлийн үргэлжлэлийг энэ булангаас сонирхон үзээрэй.    

Интерьер
 
Шинэ жилийн интерьер бол баярын хамгийн сонирхолтой бэлтгэл ажил юм. Энэ бол дан ганц гацуур модоо чимэглэх ажил биш юм. Улирал бүр хувьсан өөрчлөгдөж байдаг загварын тренд шиг интерьер ч мөн адил хувьсан өөрчлөгдөж жил бүр шинэ содон зүйлсийг дизайнерууд санал болгодог ба орон бүрд өөрийн өвөрмөц онцлогийг тусгасан интерьерийн хэв маягууд байдаг. Тиймээс таны гэрт тансаг, гоёмсог, дулаан уур амьсгалыг бий болгох зургаан хэв загварыг энэ удаагийн “интерьер” буландаа онцоллоо.

Үнэ ханш

Шинэ орон сууцны зах зээл,  барилгын материалын үнэ ханш болон ажил гүйцэтгэлийн үнэлгээг 2019 оны 11 дүгээр сарын 30-ны өдрийн байдлаар үзүүлж байна.

Аюулгүй ажиллагаа
Аж ахуйн нэгж байгуулагад Хөдөлмөрийн аюулгүй байдлыг ханган ажиллах нь нэн тэргүүний зорилт билээ. Энэ талаар NCD группын ХЭМАБ-ын албаны дарга Н.Очирбатын бичсэн “Аж ахуйн нэгж байгууллагад тохиолддог түгээмэл зөрчлүүд” цуврал нийтлэлийн эхний хэсгийг уншигч танд хүргэж байна.




 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.