Барилгын зураг төслийн магадлалын шинэчилсэн журмыг оны эхнээс мөрдөнө

Барилгын зураг төслийн магадлалын шинэчилсэн журмыг оны эхнээс мөрдөнө

Барилга, хот байгуулалтын сайдын зөвлөлийн ээлжит хуралдаан /2019.12.03/ боллоо. Хуралдаанаар Барилгын аюулгүй байдал, эрүүл ахуйн тухай 1988 оны 167 дугаар конвенцыг соёрхон батлах тухай хуулийн төсөл, “Барилга байгууламжийн зураг төсөлд магадлал хийх экспертэд тавигдах шаардлага, түүнийг өрсөлдөөний журмаар сонгон шалгаруулж, эрх олгох журам”-ыг шинэчлэн боловсруулсан төслийг танилцууллаа. Мөн геодезийн тухай хуулийн шинэчилсэн найруулгын төсөл болон төрөөс орон сууц, нийтийн аж ахуйн талаар баримтлах бодлого, бодлогыг хэрэгжүүлэх арга хэмжээний төлөвлөгөөний талаар хэлэлцсэн юм. 

Тус хуралдаанаар  “Барилга байгууламжийн зураг төсөлд магадлал хийхэд шинжээч нарт тавих шаардлага, түүнийг өрсөлдөөний журмаар сонгон шалгаруулж, эрх олгох журам”-ыг эцэслэн баталж, 2020 оны нэгдүгээр сарын нэгний өдрөөс эхлэн мөрдөхөөр шийдвэрлэлээ. Мөн “Төрөөс орон сууц, нийтийн аж ахуйн талаар баримтлах бодлогын төсөл болон бодлогыг хэрэгжүүлэх арга хэмжээний төлөвлөгөөний төсөл”- д Сайдын зөвлөлийн гишүүдийн саналыг тусгаж, эцэслэн толилуулахыг үүрэг болгосон юм. Харин бусад хэлэлцсэн төслийг  засгийн газарт хүргүүлж, хэлэлцүүлэхээр тогтоод байна. 

 

 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.