Солонго-1, Солонго-2 хорооллын төслийн суурь баримт бичгийг бүрдүүллээ

Солонго-1, Солонго-2 хорооллын төслийн суурь баримт бичгийг бүрдүүллээ

Засгийн газрын тэргүүлэх бодлого, чиглэлийн нэг болох Улаанбаатар хотын агаар, хөрс, усны бохирдлыг бууруулах, иргэдийг төлбөрийн чадварт нийцсэн орон сууцаар хангах зорилт, арга хэмжээний хүрээнд Хан-Уул дүүргийн 21 дүгээр хороонд 5002 айлын түрээсийн бөгөөд төлбөрийн чадварт нийцсэн орон сууцны Солонго-1, Солонго-2 хорооллын төслийг БНСУ-ын Засгийн газрын Эдийн засгийн хөгжлийн хамтын ажиллагааны сангийн агентлаг болох Экспорт-Импорт банк (ЭКЗИМ)-ны хөрөнгө оруулалтаар хэрэгжүүлэхээр хэлэлцэж байгаа билээ.
Өнгөрсөн хугацаанд Сангийн яам, Барилга, хот байгуулалтын яам, “Төрийн орон сууцны корпораци” ТӨХХК /ТОСК/, Солонгосын ЭКЗИМ банкны төлөөлөгчтэй хийсэн хэд, хэдэн удаагийн уулзалтаар төслийн хүрээнд хамтран хэрэгжүүлэх ажлуудаа ярилцаж, тохиролцсоныг  Талууд хуралдааны тэмдэглэлд албажуулсан байна. Уг тэмдэглэлд Сангийн яамны Төрийн нарийн бичгийн дарга С.Наранцогт, Барилга, хот байгуулалтын яамны Төрийн нарийн бичгийн дарга С.Магнайсүрэн, БНСУ-ын Засгийн газрын Эдийн засгийн хөгжлийн хамтын ажиллагааны сангийн агентлаг болох Экспорт-Импорт банкны Ази хариуцсан захирал Кү Боньюн нар гарын үсэг зуржээ. Тэмдэглэлийг албажуулснаар хоёр орны Засгийн газар хооронд байгуулах хэлэлцээрийг урагшлуулахад дэмжлэг болж, суурь баримт бичгийг бүрдүүллээ.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.