“Барилга байгууламжийн 2018 оны үнийн индекс”-ийг батлуулахаар шийдвэрлэлээ

“Барилга байгууламжийн 2018 оны үнийн индекс”-ийг батлуулахаар шийдвэрлэлээ

БХБЯ-ны дэргэдэх Шинжлэх ухаан, техник технологийн зөвлөлийн ээлжит хуралдаан боллоо. Хурлаар нийт 6 асуудлыг хэлэлцэж шийдвэрлэсэн байна. Үүнд: 
1.“Улаанбаатар хотыг 2030 он хүртэл хөгжүүлэх хөгжлийн ерөнхий төлөвлөгөөний тодотгол, 2030 оны чиг хандлага бодлогын баримт бичгийн хэрэгжилтийн үнэлгээ, дүгнэлт”;
2.“Улаанбаатар бүс, хот орчмын хот төлөвлөлтийн суурь судалгаа”, “Улаанбаатар хотын 2040 он хүртэлх хөгжлийн ерөнхий төлөвлөгөөний үзэл баримтлал /концепц/”;
3.“Барилгын төсөв зохиох дүрэм” /БНбД 81-95-12/2019/-д нэмэлт, өөрчлөлт;
4.“Барилга байгууламжийн 2018 оны үнийн индекс”;
5.“Барилгын бүтээцийн тооцооны тайлан. Бүрдэлд тавих шаардлага” барилгын дүрэм;
6.“Мяндас-полимер арматуртай бетон, төмөр бетон бүтээц” барилгын дүрэм. 
Хурлаар “Улаанбаатар хотыг 2030 он хүртэл хөгжүүлэх хөгжлийн ерөнхий төлөвлөгөөний тодотгол, 2030 оны чиг хандлага бодлогын баримт бичгийн хэрэгжилтийн үнэлгээ, дүгнэлт”, “Улаанбаатар бүс, хот орчмын хот төлөвлөлтийн суурь судалгаа”, “Улаанбаатар хотын 2040 он хүртэлх хөгжлийн ерөнхий төлөвлөгөөний үзэл баримтлал /концепц/”-ийг зөвлөлийн гишүүдээс гаргасан санал, зөвлөмжийг тусган тус тус дэмжиж Барилга хот байгуулалтын сайдын зөвлөлийн хурлаар хэлэлцүүлэхээр боллоо. Түүнчлэн барилгын салбарын норм, нормативтой холбоотой “Барилгын төсөв зохиох дүрэм”, “Барилга байгууламжийн 2018 оны үнийн индекс”, “Барилгын бүтээцийн тооцооны тайлан. Бүрдэлд тавих шаардлага”, “Мяндас-полимер арматуртай бетон, төмөр бетон бүтээц” гэсэн дөрвөн асуудлыг Барилга, хот байгуулалтын сайдын тушаалаар батлуулахаар дэмжин шийдвэрлэлээ.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.