Аж ахуйн нэгжүүд 90 тэрбум төгрөгийн эрчим хүч хэмнэх боломжтой

Аж ахуйн нэгжүүд 90 тэрбум төгрөгийн эрчим хүч хэмнэх боломжтой
Манай улсын нийт эрчим хүч үйлдвэрлэлийн 50 орчим хувь нь 135 байгууллагад ногддог. Тэд эрчим хүчний хэрэглээгээ бууруулж чадвал жилд 90 тэрбум төгрөг хэмнэнэ гэсэн үг. Өдгөө Монгол Улс жилд 8.5 тэрбум кВт/ц эрчим хүч зарцуулдаг  бөгөөд  өнгөрсөн жил эрчим хүчний байгууллагууд 33, хувийн хэвшлийн байгууллагууд 19 сая кВт/ц эрчим хүч хэмнэсэн үзүүлэлт гарчээ. Энэ нь мөнгөн дүнгээр тооцвол найм орчим тэрбум төгрөг хэмнэсэн гэдгийг Эрчим хүч хэмнэлтийн бодлого, хууль, эрх зүйн орчин, тус салбарын өнөөгийн байдлын талаарх зөвлөгөөний үеэр Эрчим хүчний зохицуулах хорооноос онцолсон юм. Жишээлбэл, “Чингис” зочид буудал, “Ачит ихт” ХХК зэрэг байгууллага эрчим хүчний хэрэглээгээ хэмнэсэн байна. “Ачит ихт” компанийн эрчим хүчний хяналтын менежер И.Эрдэнэ “2017 онд Үндэсний аудитын газраас манайд есөн зөвлөмж өгсөн. Түүний дагуу 33 ширхэг давтамж хувиргуурыг 300 сая төгрөгөөр суурилуулснаар үр дүнд нь өнгөрсөн гурван жилд 670 сая орчим төгрөг хэмнэлээ” гэв.
Энэхүү зөвлөгөөний үеэр 2016-2019 онд Эрчим хүчний зохицуулах хорооноос тодорхойлж, бүртгэсэн 229 аж ахуйн нэгж, байгууллагын төлөөлөл оролцон цахилгааны хэмнэлттэй холбоотой үзэсгэлэн гаргаж, хууль, журам, хамтын ажиллагааны тухай хэлэлцлээ. 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.