Манбадацан орчмын амины орон сууцуудыг төвийн дулаанд холболоо

 Манбадацан орчмын амины орон сууцуудыг төвийн дулаанд холболоо
“УБДС” ТӨХК нь Эрчим хүчний яамтай хамтран нийслэлийн агаар, орчны бохирдлыг бууруулах чиглэлээр тодорхой ажлуудыг үе шаттай хэрэгжүүлэн ажиллаж байна. Энэ ажлын хүрээнд 2018 онд тус компанийн инженерүүд Баянзүрх дүүргийн 2 дугаар хороо, КТМС, Манбадацан хийд орчмын гэр хорооллын бүсэд байрших 21 иргэн, аж ахуй нэгжийн барилгуудыг төвлөрсөн дулаанд холбох судалгаа, тооцоог хийж гүйцэтгэн Эрчим хүчний яамнаас техникийн нөхцөл олгогдсон юм.  Тендерт ажлын гүйцэтгэгчээр “Гом-Илч” ХХКомпани шалгарч улсын төсвийн хөрөнгө оруулалтаар 200 орчим метр дулааны шугам шинээр татах ажил, орчин үеийн иж бүрэн тоноглол бүхий ДДТ-ийг барих ажлуудыг энэ сард багтаан хийж дуусгаад байна. 
2019-2020 оны халаалтын улиралд тус компанийн инженерүүд хяналт тавьж зохион байгуулан барилгын узельдээ тоноглол угсарч дулаан авахад бэлэн болсон 9 иргэн, аж ахуй нэгжийн үйлчилгээ болон амины орон сууцны барилгуудыг төвлөрсөн дулаан хангамжид холболоо.
Дараагийн ээлжинд тус бүсэд байрлах бусад нам даралтын зуухнаас халдаг иргэн, аж ахуй нэгжийн барилга, обьектуудыг төвлөрсөн дулаанд холбохоор төлөвлөн ажиллаж байна.
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.