Цахилгаан халаагуур, радиаторын зах зээлийн судалгаа

Цахилгаан халаагуур, радиаторын зах зээлийн судалгаа
“Барилга.МН” сэтгүүл 114 дэх дугаартаа цахилгаан халаагуур, радиаторын импортын судалгааг 2015-2018 оны байдлаар танилцуулж байна. 
 
Халаалтын шийдлүүд нь дараах төрөлтэй байна 
1. 9-15 секц тосон буюу хөлддөггүй шингэн бүхий радиатор (12-18 м.кв өрөө буюу гэрийг халаах чадалтай)
2. Дороос халдаг, 4-8 м.кв талбай бүхий шал гудас
3. Хийгээр ажилладаг, агаар халаагч үлээгүүр
4. Өрөө бүр нь 8-10 секц бүхий радиатортай, цахилгаан тогоо бүхий нам даралтын зуух байх боломжтой.

Улаанбаатар хотын агаарын бохирдлыг бууруулах зорилгын хүрээнд Засгийн газраас нийслэлийн гэр хорооллын өрхийн орой, шөнийн цагт хэрэглэсэн цахилгааны тарифыг 100, аймгийн төв болон 10 мянгаас дээш хун амтай сум, суурин газрын гэр хорооллын айл өрхийн шөнийн цахилгааны хэрэглээний тарифыг 50 хувь хөнгөлөх болсон. Ингэснээрээ айл өрхүүд цахилгаан халаагуур хэрэглэн цэвэр орчинд амьдрах нөхцөл, боломж бүрдсэн. Нөгөө талаар энэхүү журмыг мөрдөж эхэлснээр цахилгаан халаагуурын импортын дүн  өссөн нь судалгаанаас харагдаж байна. Тухайлбал, өнгөрсөн онд 11.8 тэрбум төгрөгийн радиатор, 3.3 тэрбум төгрөгийн цахилгаан халаагуур импортолсон байна. Радиаторын худалдан авалтын өсөлт дунджаар 11 хувь бол цахилгаан халаагуурын худалдан авалтын өсөлтийн дундаж 25 хувь байна.

Зураг 1. Радиатор, цахилгаан халаагуурын импорт, 2015-2018 он, тэрбум төгрөг
Радиатор, цахилгаан халаагуурын сүүлийн 3 жилийн хугацаанд импортын хэмжээг улсаар харьцуулан гаргахад радиаторын импортын 58 хувь буюу 6.8 тэрбум төгрөгийн худалдан авалтыг Турк Улсаас, 42 хувийг бусад улсаас импортолжээ. Доорх зурагт 2017, 2018 онуудад улс бүрийн худалдан авалтын мөнгөн дүнг харуулав.

Зураг 2. Радиаторын импорт улсаар, сая төгрөгөөр
Харин цахилгаан халаагуурын хувьд 2018 оны байдлаар БНХАУ 61 хувь буюу 1.3 тэрбум төгрөг, БНСУ 19 хувь буюу 424.5 сая төгрөг, ОХУ 19 хувь буюу 417.0 сая төгрөгийн худалдан авалт хийсэн байна.
 
Зураг 3. Цахилгаан халаагуурын импорт улсаар, сая төгрөгөөр
Бүтээгдэхүүн бүрийн сарын импортын хэмжээг 3 жилээр авч үзье. Радиаторын импортын хэмжээ нь улирлын нөлөөтэй, зуны хугацаанд өсөх хандлагатай байна. Сүүлийн гурван жилийн хугацаанд харьцангуй жигд худалдан авалтыг хийсэн тогтвортой зах зээлтэй бүтээгдэхүүн байна... 
 
Үргэлжлэлийг Барилга.МН сэтгүүлийн 114 дэх дугаарын "Судалгаа" булангаас уншина уу.
 
 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.