Ногоон хөгжил, ухаалаг шийдлийг онцолсон Барилга.МН сэтгүүл худалдаанд гарлаа

Ногоон хөгжил, ухаалаг шийдлийг онцолсон Барилга.МН сэтгүүл худалдаанд гарлаа

Бүтээн байгуулагчдынхаа дэргэд ямагт хамтдаа байж, бүтээж босгож, хийж хэрэгжүүлсэн ажил бүхнийх нь тухай нийтлэл, мэдээ мэдээллийг уншигчиддаа цаг алдалгүй хүргэхийн зэрэгцээ салбарын дотоод, гадаадын хөгжил дэвшил, техник технологийн гайхалтай нээлт, интерьер, архитектурын онцгой содон шийдлүүд, салбартаа тэргүүлэгчдийн үзэл бодол, өгөөжтэй ярилцлагуудыг нийтэлдэг “Барилга.МН” сэтгүүлийн 114 дахь дугаар уншигч таны гар дээр очлоо. Энэ удаагийн дугаарт…

Дугаарын зочин 

Барилгын салбартаа хийж бүтээсэн зүйлтэй, мэргэжил нэгтнүүд дундаа манлайлагч, тэргүүлэгч болсон эрхэм хүмүүсийг урьж оролцуулдаг “Дугаарын зочин” булангийн энэ удаагийн дугаарт амьдралынхаа 20 гаруй жилийн түүхийг барилгын салбарт зориулсан “Батс-Өргөө” ХХК-ийн захирал Ж.Батсайхан уригдлаа. Өдгөө компани нь 20 жилийн ойгоо тэмдэглэн өнгөрүүлж байгаа бөгөөд ойн баяраа угтаж бэлэг болгон хийсэн томоохон ажлын нэг нь улсын хэмжээнд “анхны” гэсэн тодотголтой олон улсын жишигт нийцсэн 21 дүгээр цогцолбор сургуулийн барилга юм. Хийсэн ажил, хэлэх үгтэй энэ эрхмийг тухай ярилцлагийг Барилга.МН сэтгүүлийн 11 дүгээр сарын шинэ дугаараас уншаарай. 

 
Мэргэжилтний үг 

Барилгын даацын бүтээцэд бетон, төмөрбетоныг  өргөн хэрэглэх нь дэлхий нийтийн жишиг болсон төдийгүй цаашид ч энэ зарчим хадгалагдсан хэвээр байх болно гэж үздэг. Бетон хэмээх энэ материалын үйлдвэрлэл хэрэглээ бий болсноос хойш олон зуун  өнгөрсөн хэдий ч ХХ зууны сүүлээс химийн болон эрдсийн гаралтай, хүчтэй үйлчлэлтэй нэмэлтүүдийг хэрэглэж эхэлсэнээр бетоны чанар, технологийн хөгжил, дэвшилд зарчмын өөрчлөлт гарсан билээ. Тиймээс бетоны нэмэлт гэж юу вэ, ямар нэмэлтийг сонгох ёстой, тэдгээрийн хэрэглээний талаар мэргэжилтнүүдийн бэлтгэсэн мэдээллийг “Мэргэжилтний үг” булангаас уншиж сонирхоорой. 

Зөв шийдэл 


Өнөө үед хот суурин газрын хүн амын нягтрал эрс ихсэж байгаатай холбоотойгоор орон сууцны хэрэглээ шаардлага өсөн нэмэгдэж, нийгмийн хэрэгцээг даган нэг айлын сууцны барилга ихээр баригдаж цаашид ч өсөн нэмэгдэх хандлагатай байна. Сууцны барилга нь хүний амьдралын чухал хэсэг болдгийн хувьд тав тухтай, гэр бүлийн хэрэгцээ шаардлагад бүрэн нийцсэн, дотоод гадаад орон зайг нэгтгэн зохиомжилсон, орчин үеийн архитектурын чиг хандлагыг тусгасан цор ганц урлагийн бүтээл байх ёстой. Иймд орон сууцны барилгын архитектур төлөвлөлтийг боловсронгуй болгох, орон нутгийн онцлог, орчны төлөвлөлттэй уялдуулах, инженерийн шийдэл, технологи, барилгын материал, гадна байгууламжтай хамгийн оновчтой аргаар холбох зэрэг иж бүрэн боловсруулах шаардлага гарч байна. Тиймээс та өөрийн гэр бүлийн амьдрах сууцаа төлөвлөхөөр шийдсэн бол “Зөв шийдэл” буланд нийтлэгдсэн зөвлөмжүүдийг заавал уншаарай. 

Шинэ материал 

Барилгын салбарт нэвтэрч байгаа шинэ, дэвшилтэт материалуудыг танилцуулдаг “Шинэ материал” булангаараа барилгын үйлдвэрлэлд сүүлийн үед хэрэглэж байгаа дулаалгын материалын талаар хүргэхээр бэлтгэлээ. Сүүлийн үед эрчим хүчийг хэмнэх гол шийдлийн нэг нь шаардлага хангасан дулаалгын материал сонгох явдал болоод байна. Тиймээс PIR хавтан болон вермикулит байгалийн дулаалгын материалын зориулалт, хэрэглэх хүрээ, давуу ба сул талуудын талаар эндээс уншиж танилцаарай. 

 
Хэрэглэгчийн булан 
Иргэдэд хамгийн ойр зөвлөгөө, мэдээллийг хүргэдэг хэрэглэгчийн булангаараа амины орон сууцны халаалтын системийн төрлүүдийн талаарх мэдээллийг хүргэж байна. Та байшингийн халаалтаа хийн түлшин зуух, нам даралтын систем, дулааны насос, нарны эрчим хүчээр халаах, газрын дулаан ашиглах, шалны халаалт, цахилгаан халаалт гэх мэт халаалтын системээр ашиглан шийдэж болох юм. Эдгээр халаалтуудын ялгаа, хэрэглээ, давуу болон сул талуудын талаар мэдэхийг хүсвэл Барилга.МН сэтгүүлийн шинэ дугаараа уншаарай. 

Шинэ орон сууц болон барилгын материалын үнэ ханш 

Байр, орон сууц худалдаж авахаар хайж байгаа болон барьсан барилга, орон сууцаа худалдаж борлуулахыг хүсч байгаа хувь хүн, албан байгууллага, хэрэглэгчдэдээ зориулсан нийтлэл, судалгаа, үнэ ханш гээд багц мэдээллийг  Барилга.МН сэтгүүл сар бүр тогтмол хүргэдэг билээ. Та Улаанбаатар хотод захиалга авч байгаа болон борлуулагдаж байгаа байр орон сууцны үнэ ханшнаас гадна цемент, тоосго, блок, арматур, бетон зуурмаг, төмөр хийц, төрөл бүрийн хавтан, тоосго блок, модон материал, хуурай хольц, цонх хаалга, элс хайрга, будаг эмульс гээд барилгын бүхий л материалын үнэ ханшийг 2019 оны аравдугаар сарын 30-ны байдлаар нийтэллээ. Та бүхний ажилд судалгаа, тооцоо, төсвөө гаргахад тус болно гэдэгт бид бүрэн итгэлтэй байна.
 
Ухаалаг барилга 
Дэлхийн дахинд жишиг болон сүндэрлэж, барилгын салбарт өөрийн орон зай, байр сууриа бататган, хурдацтай хөгжин, зөв хандлагаараа нийгэмдээ эерэг нөлөөллийг үзүүлж байгаа дэлхийн хамгийн ухаалаг барилгуудын талаарх мэдээллийг уншигчдадаа хүргэж байна. Эдгээр барилгууд нь ухаалаг агааржуулалтын систем, ухаалаг удирдлагын менежмент, эрчим хүчний хэмнэлттэй гэх мэт ухаалаг системийн шийдэлтэйгээс гадна ногоон барилгын шаардлагыг хангасан юм. АНУ-ын Ногоон барилга зөвлөлийн хөтөлбөрийн зүгээс олгодог LEED гэрчилгээ болон BREEAM компаниас олгодог “Хамгийн эрчим хүчний хэмнэлттэй барилга” гэрчилгээг хүртсэн эдгээр барилгыг танилцуулж байна. 
 
Эх сурвалж: Barilga.mn

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Ухаалаг барилгын шийдэл 1 өдрийн өмнө 165.225.112.86

    http://news.barilga.mn/r/74005?preview=1#.XdJPKKJ2nJ0.link
    N.Bat-Orshikh 1 өдрийн өмнө 165.225.112.86

    http://news.barilga.mn/r/74005?preview=1#.XdJPKKJ2nJ0.link Хамгийн ухаалаг барилга