"BARILGA BILLIARD 2019" тэмцээний аваргууд тодорлоо

Барилгын салбарт үйл ажиллагаа явуулж байгаа компани, аж ахуй нэгж байгууллагуудын удирдлагуудын дунд зохион байгуулагддаг “BARILGA BILLIARD 2019” снүүкер биллиардын тэмцээн найм дахь жилдээ  “Elit snooker club”-д бямба /2019.11.02/ гаригт амжилттай болж өндөрлөлөө. Тэмцээнд нийт 32 тамирчин өрсөлдсөнөөс "Агуйт Улаан ХХК" -ийн гүйцэтгэх захирал Б.Амгаланбаатар, "Ар гурван хэц" ХХК -ийн гүйцэтгэх захирал Б.Алтангэрэл, "Юу Эм Си Альфа" ХХК-ийн гүйцэтгэх захирал М.Баясгалан нар эхний гурван байрт шалгарч цом, медаль, өргөмжлөл, дурсгалын зүйлээр шагнууллаа. 

Энэ жилийн тэмцээн урьд урдны жилээс илүү олон өрсөлдөгчтэй, өргөн дэлгэр боллоо. Түүнчлэн эх орныхоо бүтээн байгуулалтын төлөө зүтгэж байгаа салбарын удирдлагууд хамтдаа цуглаж, спортоор дамжуулан танилцаж, салбарынхаа талаарх сонин сайхан, ололт амжилт, тулгарч байгаа асуудлын талаар ярилцсан өрсөлдөөнтэй, өгөөжтэй нэгэн өдөр өнгөрсөн юм.

Тэмцээний ивээн тэтгэгчээр “Батс Өргөө” ХХК, ”TRG констракшн” ХХК - ий “Elit snooker club”, дэмжигч байгууллагаар Барилга, хот байгуулалтын яам, Барилгын хөгжлийн төв, Монголын барилгын үндэсний ассосиаци ажиллалаа. 

Нэгдүгээр байранд "Агуйт Улаан ХХК" -ийн гүйцэтгэх захирал Б.Амгаланбаатар
 


Хоёрдугаар байранд "Ар гурван хэц" ХХК -ийн гүйцэтгэх захирал Б.Алтангэрэл
 


Гутгаар байранд "Юу Эм Си Альфа" ХХК-ийн гүйцэтгэх захирал М.Баясгалан
 



Мөн ивээн тэтгэгчээр оролцсон байгууллагууддаа талархал гардууллаа. 



 

Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.