ТАНЫ МЭДЛЭГТ: Хаалганы гаднах соронзон полимер бүрхүүл

ТАНЫ МЭДЛЭГТ: Хаалганы гаднах соронзон полимер бүрхүүл

Бульдорс брэндийн хамгаалалтын ган хаалганы гадаргуу болох соронзон полимер бүрхүүл нь
enlightenedгаднын нөлөөнд өндөр тэсвэртэй
enlightenedзагварлаг байдгаараа онцлог юм.

Полимер бүрхүүл буюу соронзон будаг нь тусгай полимержих зууханд металл гадаргуу дээр соронзон орчинд шүрших хэлбэрээр хийгддэг.

- Полимер бүрхүүлийг чанартай хийхийн тулд металл гадаргуугаас бүх бохирдол, тосыг цэвэрлэдэг ба үүнд ихэвчлэн элс цацах ажлыг хийдэг.

- Үүний дараагаар металлыг угааж, хатаах процесс явагддаг. Цэвэрлэгээний чанараас шалтгаалж цаашдын будагны чанар, зэврэлтэнд тэсвэртэй байдал тодорхойлогддог.

- Цэвэрлэгдсэн металл гадаргууг тусгай камерт шилжүүлж нунтаг будгаар шүршдэг. Тус камерт электростатик шүршигчний тусламжтайгаар нунтаг будагны хэсгүүд үрэлтийн хүчээр цахилгаан соронзон хэлбэрээр цэнэглэгдэж, эсрэг соронзон цэнэг агуулах металл гадаргуу дээр наалддаг.

- Таталцлын электростатик хүчний нөлөөн дор будгийн хэсгүүд нь металл гадаргуу дээр жигд тархдаг.

- Үүний дараагаар нунтаг будгаар бүрхсэн металлыг полимержүүлэх камерт оруулдаг.

Өндөр температурын (150 ° - 220 ° C) нөлөөн дор нунтаг будагны хэсгүүд хайлж, нэг жигд полимер бүрхүүлийг бий болгодог.

Бичлэг үзэх:


Нунтаг будгийн хайлалт нь 3 үе шаттайгаар явагддаг:

  • нунтаг хайлж, наалдамхай шингэн төлөвт ордог;
  • хайлсан нунтаг хэсгүүд хоорондоо нягт давхаргыг үүсдэг;
  • металл гадаргуутай барьцалдаж үүний үр дүнд бүрхүүл үүсдэг.


Ихэнх тохиолдолд полимер бүрхүүлийн зузаан 0,3 мм байдаг. Уг аргачлалыг ашигласнаар ямар ч төрлийн хэлбэртэй металл болон, металлын залгаасан дээр бүрхүүлийг өндөр чанартайгаар хийх боломжтой байдаг.

Түүнчлэн полимер будагны технологи нь олон жилийн настай өнгө үзэмж бүхий хамгаалалтын металлын гадаргууг бий болгохын зэрэгцээ экологийн цэвэр бүтээгдэхүүн гэдгээрээ онцлог юм.

Нунтаг будгийн давуу талууд:

  • • Бат бөх, удаан эдэлгээтэй

Полимер гадаргуу нь зэврэлтийн эсрэг гайхалтай шинж чанарыг агуулдаг ба металыг ашиглах хугацааг хэдэн арван жилээр нэмэгдүүлдэг. Уян хатан маш бат бөх бөгөөд ан цав үүсдэггүйн зэрэгцээ усны нөлөө болон хэт халуун, хэт хүйтэнд тэсвэртэй юм. Элэгдэлд тэсвэртэй, тогтвортойн байдлын зэргээрээ нунтаг будаг нь маргаангүй лидер юм.

  • • Бодит хэмнэлт

Металлыг полимер бүрхүүлээр бүрэх нь бусад лак хэлбэрийн будагнаас илүү үр ашигтай байдаг. Полимер давхарга нь нягт суурь хэлбэрийн давхаргыг шууд үүсгэдэг ба энэ нь энгийн будагний хэд хэдэн үе давхаргатай тэнцэхүйц байдаг.

  • • Өнгөний өргөн сонголт

Полимер бүрхүүл нь эстетик шинж чанартайгаараа онцлог. Тухайлбал зөвхөн суурь өнгөнүүд бус завсрын өнгөний өргөн сонголттойгоос гадна нарны тусгалд тэсвэртэй юм.

  • • Хор, нөлөөгүй

Энэ төрлийн металл будах аргачлал нь хамгийн эко гэгддэг.

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.