Барилгын материалаа барьцаагүй зээлээр авах боломжтой боллоо

Барилгын материалаа барьцаагүй зээлээр авах боломжтой боллоо

Иргэд, ААН-үүд хэрэгцээт барилгын материалаа бага хүүтэй зээлээр худалдан авах боломжийг бүрдүүлэхээр Барилгачин групп, Богд банктай хамтран ажиллах гэрээг байгууллаа. Хамтран ажиллах гэрээг үзэглэснээр цемент, арматур, тоосго, блок, хөөсөнцөр, чулуун хөвөн, дээвэр, хаалга, гадна фасад, бетон эдлэл, заслын материал, цахилгаан халаагуур зэрэг 100 гаруй нэр төрлийн барилгын материалыг зээлээр авах боломж бүрдэж байна. 


Тодруулбал, иргэд урьдчилгaa 10-30% төлж 30 сар хүртэл хугацаагаар, 30 сая хүртэлх төгрөгийн бүтээгдэхүүнийг сарын 1,7-1,9% хүүтэйгээр ямар нэгэн барьцаагүй зээлээр авах боломжтой. Иргэдэд тавигдах шаардлага нь цалингийн орлоготой тохиолдолд тухайн байгууллагадаа 6-н сар ажилласан, бизнесийн орлоготой бол тухайн бизнесээ сүүлийн 1 жил эрхэлсэн байх ёстой. Харин ААН-үүдэд бизнесийн онцлог цар хүрээнээс хамааруулан үнийн дүнг хязгаарлахгүйгээр 30 сар хүртэл хугацаатай, сарын 1.6-2.2%-ийн зээлээр авах боломжтой. 

 

Хэрэв ААН-үүд их хэмжээний материал зээлээр авах бол гол тавигдах шаардлага нь: Банк санхүүгийн байгууллагад хугацаа хэтэрсэн зээлийн үлдэгдэлгүй, сүүлийн 3 жилийн хугацаанд чанаргүй зээлийн түүхгүй, сүүлийн 2 жил үйл ажиллагаа нь хэвийн явагдсан, бизнесийн тогтмол урсгалтай байх,  зээлийн баталгаа болохуйц барьцаа үл хөдлөх хөрөнгөтэй байх шаардлагатай.

Иргэд бүрдүүлэх материал:  

  1. Зээл хүссэн өргөдөл (банкны маягтаар)
  2. Цахим үнэмлэх 
  3. Цээж зураг 
  4. Гэрлэлтийн лавлагаа (ТҮЦ машинаас байж болно)
  5. Цалингийн тодорхойлолт (эсвэл орлого тодорхойлох баримт)
  6. Оршин суугаа хаягийн тодорхойлолт (ТҮЦ машинаас байж болно.)


ААН бүрдүүлэх материал (Томоохон дүнтэй зээл)

  1. Зээл хүссэн албан тоот
  2. Компанийн болон бизнесийн танилцуулга
  3. Хуулийн этгээдийн гэрчилгээ, дүрэм, үүсгэн байгуулсан гэрээ
  4. Санхүүгийн тайлан (сүүлийн 3жил/ улирлын тайлан)
  5. Бизнесийн үйл ажиллагааны зөвшөөрөл, лиценз, патент
  6. Зээлээр санхүүжүүлэх үйл ажиллагаатай холбоотой гэрээ хэлцэл
  7. Барьцаа хөрөнгөтэй холбоотой бичиг баримтууд
  8. Бизнесийн онцлогоос шалтгаалан шаардагдах бусад бичиг баримт,


Барилгачин групптэй харилцсанаар  нэг дороос 100 гаруй нэр төрлийн материалаас сонгон цаг хугацаа, зардал мөнгөө хэмнэж, баталгаатай бүтээгдэхүүнийг үйлдвэрийн хямд үнээр, е-баримттайгаар авах давуу талтай юм. 


Зээлээр авах барилгын материалыг үзэх бол www.barilgachin.mn сайтаар орж үзнэ үү.

    

Барилгачин группын борлуулалтын алба

      Хаяг: ХУД 2-р хороо, Мишээл барилгын их дэлгүүрийн 2-р давхарт

        Утас: 7711-1177, 8881-7777, 9990-7815, 9100-0255

 
Эх сурвалж: Барилгачин групп

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.