3 сая төгрөгийн шагналын сантай Барилга.МН сэтгүүлийн шинэ дугаар худалдаанд гарлаа

3 сая төгрөгийн шагналын сантай Барилга.МН сэтгүүлийн шинэ дугаар худалдаанд гарлаа

Бүтээн байгуулагчдынхаа дэргэд 9 жилийн турш хамтдаа байж, хийж хэрэгжүүлсэн ажил, төсөл хөтөлбөр гээд ажил бүхнийх нь тухай нийтлэл, мэдээ мэдээллийг уншигчиддаа цаг алдалгүй хүргэдэг барилгын салбарын цорын ганц сэтгүүл бол Барилга.МН. Үүний зэрэгцээ салбарын хөгжил дэвшил, техник технологийн гайхалтай нээлт, интерьер, архитектурын онцгой сонин содон шийдэл, салбартаа тэргүүлэгчдийн үзэл бодол, өгөөжтэй ярилцлагуудыг сар бүр нийтэлдэг билээ. Сэтгүүлийн аравдугаар сарын шинэхэн дугаар №113 уншигчдынхаа гар дээр очоод байна.
Дашрамд дуулгахад, сэтгүүлийн IV улирлын захиалга үргэлжилж байгаа бөгөөд хэрэв Та бүтэн жилээр захиалбал Германы “Евро класс” брэндийн буйдан худалдан авах 3 сая төгрөгийн эрхийн бичгийн эзэн болох боломжтой. Азтанг арванхоёрдугаар сарын 30-нд сугалаагаар шалгаруулна. Ингээд энэ удаагийн дугаарын хойморт … 
 

Дугаарын зочин 


Барилгын салбарын бүтээн байгуулагчдыг бэлтгэн гаргадаг эрдмийн их өргөө болсон ШУТИС, Барилга Архитектурын Сургуулийн 60 жилийн ой энэ жил тохиож байна. Үүнтэй холбогдуулан тус сургуулийн захирал, доктор, дэд профессор Э.Нинжгаравыг сэтгүүлийн “Дугаарын зочин” буландаа урьж оролцууллаа. Та энэхүү ярилцлагаас түүхт ойн хүрээнд хийж хэрэгжүүлсэн ажил, амжилт ололт, дурсамж, тус сургуулийн сургалтын бодлого, эрдэм шинжилгээ, судалгааны ажил, ирээдүйн боловсон хүчнийг хэрхэн бэлтгэж байгаа талаар дэлгэрэнгүй уншиж танилцаарай.  

Мэргэжилтний санал 



Хөрсний усны янз бүрийн үечлэл, найрлага, шүлтлэг, идэмхий шинж чанар болон улирлын цаг агаарын нөхцөлөөс шалтгаалан барилга байгууламжид ялангуяа амины орон сууцанд цууралт, хагарал, овойлт суулт зэрэг хэв гажилтын нөлөөг үзүүлдэг. Энэ нь эргээд барилгын салбарт тулгамдсан асуудлуудын нэг болоод байна. Тиймээс хөрсний усыг зайлуулах боломж бүхий гурван төрлийн аргын талаар мэргэжилтний саналыг бид хөндөж тавьсан. “Хөрсний усны бичил төв байгуулах”, “Хиймэл нуур байгуулах”,  “Хэрэглээний усан сан байгуулах” гэсэн гурван аргын хүрээнд хэрхэн, яаж, хийх боломжийн талаар зөвхөн та энэхүү булангаас дэлгэрэнгүйг мэдээллийг авч болно гэдгийг дуулгая.  

Барилгын түүх 

Сүүлийн өдрүүдэд түүх дурсгалт барилгуудаа нураах уу, үлдээх үү гэдэг шүүмжлэл, маргаан олон нийтийн сүлжээ, мэдээллийн хэрэгслээр чамгүй өрнөж байна. Тэгвэл бид энэ дугаартаа "Зөвлөлтийн дайчдын гэгээн дурсгалд зориулсан, гэрэлт хөшөө болох Зайсан толгойн зураг төслийг гаргасан Д.Чимэд, Дорно зүгийн хэв шинжтэй, XX зууны эхэнд хүчээ авч байсан модерн урсгалын тод жишээ болсон Одон орон судлалын төвийг бүтээн байгуулсан А.Хишигт, Тэгш хэмийн зарчимд тулгуурлан барьж “Сонгино” амралтын газрын төлөвлөлтийг гаргасан Б.Дамбийням зэрэг Монголын анхны гурван архитекторын тухай, тэдний хийж бүтээсэн гайхалтай бүтээн байгуулалтын талаарх түүхэн мэдээллүүдээс түүвэрлэн танилцуулж байна. Эрхэм архитекторуудын урласан бүтээлүүдтэй танилцая гэвэл “Барилгын түүх” булангаар зочлоорой.  

Амины орон сууц 

Хүйтэн сэрүүний улирал хэдийнэ хаяанд иржээ. Иймээс бид энэ удаагийн “Амины орон сууц” буландаа уншигчдад тэр тусмаа энгийн иргэдэд хамгийн хэрэгтэй зөвлөгөө болох цахилгаан халаалтын талаарх мэдээллийг бэлтгэлээ. Тухайлбал, цахилгаан халаалтын төрлүүд, тэдгээрийн давуу болон сул тал, тавигдах шаардлага, дотоодод худалдаалагдаж байгаа халаалтуудын мэдээлэл, хүчин чадал, чанар, стандартын талаарх мэдээллийг авах боломжтой гэдэгт итгэлтэй байж болно. Үүний зэрэгцээ импортын цахилгаан халаагуур, радиаторын 2015-2018 оны зах зээлийн харьцуулсан судалгаа гэх мэтчилэн иж бүрэн судалгааг давхар харьцуулан харах бүтэн боломжтой шүү.    

Мэргэжилтний үг 

Өнөөдөр барилгын цонхонд тавигдаж байгаа үндсэн 2 шаардлага үзүүлэлтийг барилгад суугдаж буй бараг бүх цонх хангахгүй байгаа. Нөгөө талаар цонхоор алдаж буй нийт дулааны алдагдлын 60 гаруй хувь нь шиллэгээгээрээ, 30 орчим хувь нь барилгын хана, цонхны уулзварын заадлаараа алдаж байгааг судалгааны материал харуулдаг. Үүний гол хохирогч нь зөвхөн хэрэглэгчид.  Иймээс энэ талд хэрхэн анхаарч ажиллах, барилгын цонхонд тавигдах шаардлага үзүүлэлэтийн талаар асуудал дэвшүүлж хөндөж бичсэн “Монголын Цонх Хаалга үйлдвэрлэгчид”-ийн холбооны удирдах зөвлөлийн гишүүн, зөвлөх инженер Л.Гантөмөрийн нийтлэлийг хүргэж байна. Ажил болгож заавал анхаарч уншихыг салбарынхан болон уншигчдадаа зөвлж байна.

Хүүхдүүдээ өөрсдөө хийж өгөөрэй

Иргэдэд хамгийн ойр, өөрсдийн гараар хийж болох зүйлс, тэдгээрийг хийх арга, аргачлалын талаар хүргэдэг “Хэрэглэгчийн булан” - ийн энэ удаагийн дугаарт тоглоом болон номын тавиурыг хэрхэн хийх талаарх зөвлөгөөг хүргэж байна. Тоглоом болон номоо хураах тавиур нь хүүхдийн нуруунд тохирсон өндөртэй, бие даан тоглоом, номоо хураагаад тавиур дээр тавьж өрөх боломжтой, авсаархан, үзэмжтэй, хүүхдэд аюулгүй байх ёстой. Тиймээс хүүхэддээ тохирсон тасалгаатай тавиурыг хэрхэн хийх заавартай танилцана уу. Бяцхан үрсээ баярлуулах сайхан зүйлсийг өөрийн гараараа хийж урлахад тань хөтөч байх болно.  

Үнэ ханш  

Уншигч та сэтгүүлийн шинэ дугаараас 2019 оны есдүгээр сарын 28 -ны  байдлаарх шинэ орон сууцны болон барилгын материалын үнэ ханш, зах зээл, захиалгын байдлын талаар дэлгэрэнгүйг мэдээлэлтэй танилцаарай. Үнэ ханш, судалгаа мэдээлэл амин хувь, ажил хэргийн алинд ч хэзээд хэрэг болдог тул шинэчлэгдсэн үнэ ханшийг талаарх мэдээллийг хэрэг болгож нэг хараарай. Зөвхөн барилгын материалын үнэ ханш гэхэд цаг үе, улирлаа дагаад цахилгаан халаагуур, халаалтын тогоо, чулуун хөвөн хавтан, шугам хоолойн дулаалга, дээврийн материал, цахилгаан бойлер, ус халаалгч гэх мэтчилэн бүхий л дулаалгын материалын үнэ ханш багтсан. Иймээс таныг энэ өвлийн бэлтгэлээ хангах судалгаа, тооцоо, төсвөө гаргахад тус болно.

Сэтгүүлээ захиалах бол энд дарна уу

"Барилга.МН" сэтгүүлийг "Номин" болон "Оргил" сүлжээ дэлгүүрийн салбарууд, номын дэлгүүрүүд, сонин сэтгүүл борлуулах цэгүүдээс худалдан аваарай.

                                                            Утас: 91000233, 77111777

 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.