"Найрамдал" зуслангийн газарт 24 байршилд газар эзэмших гэрчилгээг хүчингүй болгов

 

Ерөнхий боловсролын сургууль, сургуулийн өмнөх боловсрол, эмнэлгийн эдэлбэр газарт газар олголт хийгдсэн байдлын судалгааг Улаанбаатар хотын хэмжээнд хийхэд 45 байгууллагын газраас 20.9 га газрыг хэсэгчлэн иргэн, аж ахуйн нэгж байгууллагад шилжүүлсэн байжээ. Иймээс нийслэлийн Газар зохион байгуулалтын албанаас дээрх газруудад газар эзэмших эрх олгогдсон зарим иргэн, хуулийн этгээдийн газар эзэмших эрхийн гэрчилгээг хүчингүй болгосон байна. 

Мөн олон улсын хүүхдийн "Найрамдал" зуслангийн газарт зөвшөөрөл авсан ч үйл ажиллагаа явуулаагүй 24 байршилд газар эзэмших гэрчилгээг хүчингүй болгожээ. Тодруулбал, нийт 103 иргэн, аж ахуйн нэгжийн зөвшөөрлийг судалж, 69-ийг нь Мэргэжлийн хяналтын газарт шилжүүлсэн байна. Тухайн зуслангийн хашаан дотор газар эзэмших зөвшөөрөл авснаас хойш газраа огт ашиглаагүй, үйл ажиллагаа явуулаагүй дээрх 24 байршлын газар эзэмших гэрчилгээ, захирамжийг эхний ээлжинд ийнхүү хүчингүй болгожээ. 

 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.