“Samsung Galaxy S10” гар утасны ялагч шагналаа гардан авлаа

“Samsung Galaxy S10” гар утасны ялагч шагналаа гардан авлаа

“Барилга.МН” ХХК - аас зохион байгуулдаг “Барилга, орон сууц 2019” үзэсгэлэн, яармаг “Ногоон хөгжлийг хамтдаа бүтээе” уриан дор  13 дахь жилдээ амжилттай зохион байгуулагдсан билээ. Уг үзэсгэлэнгийн хүрээнд “Ухаалаг утас, ухаалаг барилга” фэйсбүүк уралдааныг зарласан бөгөөд ялагчийг есдүгээр сарын 08-ны өдөр үзэсгэлэн, яармагийн тайзан дээр Comment picker сайтаар тодруулсан юм. 



Уралдааны ялагчаар “Tenuunii Eej” фэйсбүүк хаягтай С.Мөнхцэцэг тодорсон бөгөөд өнөөдөр “Барилга.МН ХХК” - д хүрэлцэн ирж шагналаа гардан авлаа. С.Мөнхцэцэг нь оёдлын технологич мэргэжилтэй, 4 хүүхдийн ээж юм. Тэрбээр “Би анх удаагаа ийм том шагналын эзэн болж байна. Ялагч болсондоо итгэж өгөхгүй байлаа. Үнэхээр шударга явагддаг юм гэдгийг өөрийн биеэр харлаа. Манай нөхөр барилгын салбарт ажилладаг болохоор Барилга.МН сэтгүүл надад их ойр санагддаг. Тиймээс танайхаас зохион байгуулсан уралдаанд оролцож, өөрийн фэйсүүкдээ шэйр хийгээд, mention хэсэгт нөхрийгөө бичсэн юм. Тухайн үед нөхөртөө “Энэ утсыг би хожоод Барилгачдын баяраар чамдаа бэлэглэнэ ээ” гэж хэлж байсан. Үнэхээр биелэлээ оллоо. Маш их баяртай байна” хэмээн ярилаа. 

 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.