Зөвшөөрөлгүй барилга угсралтын ажлыг зогсоов

Зөвшөөрөлгүй барилга угсралтын ажлыг зогсоов


Хан-Уул дүүргийн 4, 8 дугаар хорооны нутаг дэвсгэрийн “Наадамчдын зам”-ын дагуух Хэсэгчилсэн ерөнхий төлөвлөгөөний төлөвлөлтийн авто замын трасс, авто замын барилга байгууламжийн орц гарцыг эцэслэн шийдвэрлэх, авто замын трасст өртөж буй барилга байгууламж, иргэн, хуулийн этгээдийн эзэмшиж, өмчилж буй газрыг чөлөөлөх болон бусад холбогдох асуудлыг шийдвэрлэх чиг үүрэгтэйгээр ажлын хэсэг байгуулагдсан билээ.



Энэхүү ажлын хэсэг энэ сарын 19, 20-ны өдрүүдэд Хот байгуулалт, хөгжлийн газрын дарга Б.Ууганбаяр, Нийслэлийн Авто замын хөгжлийн газрын дарга Ж.Тогтохбаяр, Нийслэлийн Мэргэжлийн хяналтын газар, Хан-Уул дүүргийн газрын алба, Тээврийн цагдаа, Улаанбаатар цахилгаан түгээх ТӨХК төлөөлөлтэй хамтран ажилласан байна.





Энэ үеэр Богдхан уулын дархан цаазат газрын Арцатын аманд, шинээр баригдаж буй Нийслэлийн нутгийн захиргааны байрны баруун талд, Байгаль орчны сайдын 2005 оны 244 дүгээр тушаалаар 
“Туурайн очис” ХХК-нд аялал жуулчлалын зориулалт бүхий ашиглах эрхтэй олгогдсон 4.0 га газартаа ”Нисэх Яармаг орчмын орон сууцны хорооллын хэсэгчилсэн ерөнхий төлөвлөгөө”-ний төлөвлөлтийн авто замын трассыг хааж, Хот төлөвлөлт, ерөнхий төлөвлөгөөний газраас баталсан загвар зургийг дур мэдэн өөрчлөн Барилгын ажлын зөвшөөрлийн гэрчилгээ аваагүй барилга угсралтын ажил эхлүүлсэн зөрчил илрүүлжээ. Иймээс тус зөрчилтэй барилгыг хариуцсан талбайн инженерт мэдэгдэх хуудас өгч түр цахилгааны дэд өртөөг цахилгаанаар хангахыг зогсоож битүүмжилжээ. 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.