Интерьерт модон материал ашиглах 5 шалтгаан

Интерьерт модон материал ашиглах 5 шалтгаан
Цаг хугацаа өнгөрөхийн хэрээр үнэ цэнээ нэмдэг модон тавилга нь бат бөх, гоёмсог хэрэглээ болохоос гадна эрүүл мэндэд олон талын ашиг тустай бүтээгдэхүүн юм. 
Австрали улсын нэгэн дунд сургуулийн хичээлийн танхимд мод хүүхдүүдийн  эрүүл мэндэд хэрхэн нөлөөлж байгаа талаарх судалгаа хийжээ. Уг судалгаанд дунджаар 15 настай 2 ангийн хүүхдүүдийг хамруулсан байна. Нэг хичээлийн танхимд энгийн орчинг бүрдүүлж, нөгөө танхимд дан модон ширээ, сандал, хананы модон хавтан зэргээр орчинг бүрдүүлсэн байв. Судалгааны үр дүнд модны эргэн тойронд байгаа сурагчид энгийн танхимд хичээллэж буй сурагчдаас сурлага дүнгийн үзүүлэлтээрээ өндөр, бие махбодын хувьд ч илүү чийрэг, дархлаатай, зүрхний хэмнэл илүү сайтай, аливаа зүйлд бага стресстдэг гэсэн дүгнэлт мөн гарсан байна.


Мод нь тодорхой хэмжээгээр агаарын чанарт нөлөө үзүүлдэг төдийгүй агаарын чийгшлийг ялгаруулж мөн шингээж авдаг өвөрмөц шинж чанартай. Энэ шинж чанараас улбаалан цаг агаар халуун, хуурай үед мод өөрөөсөө чийг ялгаруулдаг бол цаг агаарын хэт их чийгшилтэй үед мод чийгийг өөртөө шингээж авдаг байна.Иймд модон тавилга нь дан ганц гэрт тань өнгө үзэмж нэмээд зогсохгүй та болон таны гэр бүлийнхэнд их хотын хөл хөдөлгөөн дуу чимээ, утаа угаараас ангид байж гэртээ эрүүл орчинг бий болгох боломжийг олгож байгаа юм.

Хэзээд тансаг хэв маягаа алддаггүй 

Байгалийн материал хэзээ ч чиг хандлагаас хасагддаггүй. Учир нь төвийг сахисан байдал, өнгө аяс нь ямар ч орон зайд тансаг байдал, хэв маягаа алддаггүй. Хамгийн гайхалтай нь байгалийн материалыг дангаар нь ашиглах, эсвэл хэд хэдэн өөр материалтай холих нь илүү загварлаг харагдуулдаг учраас орчин үеийн интерьерийн гол шийдэл болоод байгаа юм.



Байгалийн эмч 

Бид биеэ эрүүл байлгахын тулд идэвхтэй дасгал хөдөлгөөн хийж, эрүүл хооллолтонд анхаардаг. Гэтэл хүрээлэн буй тавилга, эд зүйлс хүний эрүүл мэндэд хэрхэн нөлөөлж байгааг мэддэггүй. Тиймээс та  гэр, албан тасалгаандаа ногоон ургамал, модон эдлэл зэрэг байгалийн бүтээгдэхүүн байрлуулах нь үргэлж байгальд байгаа мэт сэтгэгдэл төрүүлэн, сэтгэл санааны хувьд эрч хүчтэй, өөдрөг байхад тусалдаг байна. 



Хамгийн бат бөх 

Ихэнхдээ байгалийн материал орсон тавилга, эд зүйлс үнэтэй байдаг төдийгүй үүнийгээ дагаад чанар сайтай байх нь бий.  Учир нь тэд хэзээ ч бат бөх байдлаа алдахгүй бөгөөд элэгдэл гэмтэл бага, эдэлгээ удаан байдаг. 



Байгальд ээлтэй, эко бүтээгдэхүүн 

Байгальд ээлтэй, байгалийн бүтээгдэхүүн гэдэг утгаараа эко байх нь мэдээжийн хэрэг. Мод, даавуу, олс, таар, хөвөн гээд байгалийн гаралтай бүтээгдэхүүнээр хийгдсэн, байгалийн материалыг дахин боловсруулсан эд зүйлсийг амьдралдаа хэрэглэх нь байгалийн нөөц хэмнэхэд хувь нэмрээ оруулж буйн нэг илрэл юм.



Тэдний өнгө хэзээ ч хуучирдаггүй

Өнөө цагт эко амьдрал, орчин, эд материалыг илүү үнэлэх болсон учраас байгалийн өнгийг илтгэсэн хэв маяг хэзээд үнэ цэнэтэй хэвээр байна. Жишээ нь ногоон өнгө нь хүчирхэг байдал болоод итгэл найдвар, энх амгаланг билэгддэг бөгөөд хүн бүхэнд тайван байдлыг бэлэглэх увдистай. Бор өнгө бол бат бөх, аливаа зүйлийн бодит байдлын илрэл, мөн байгалийн шинж чанарыг өөртөө шингээсэн байдаг байна. 

 








 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.