Цахим бүртгэлд хамрагдсан иргэдийн мэдээллийг эрэмбэлэх ажил хийгдэж дууслаа

Цахим бүртгэлд хамрагдсан иргэдийн мэдээллийг эрэмбэлэх ажил хийгдэж дууслаа

"Буянт-Ухаа 2" 972 айлын түрээсийн орон сууцанд хамрагдах хүсэлтэй иргэдийн цахим бүртгэлийг өнгөрсөн сарын 22-ноос энэ сарын 5-ныг дуустал 14 хоногийн хугацаанд явуулсан юм. Цахимаар түрээсийн орон сууцанд орох хүсэлтэй 35058 иргэн бүртгүүлсэн байна.

“Залуу гэр бүл” ангилалд - 4443,

“Төрийн албан хаагч” ангилалд - 6542,

“Хувийн байгууллагын ажиллагсад болон хувираа хөдөлмөр эрхлэгч” ангилалд - 9549,

“18 хүртэлх насны дөрөв ба түүнээс дээш хүүхэдтэй гэр бүл” ангилалд - 960,

“Өрх толгойлсон эцэг, эх” ангилалд - 3148,

“Өндөр насны тэтгэвэр тогтоолгосон ахмад настан” ангилалд - 7166,

“Хөгжлийн бэрхшээлтэй иргэн, түүнийг халамжилдаг гэр бүл” ангилалд - 3134,

“Гамшигт аюулт үзэгдлийн улмаас орон гэргүй болсон иргэн” ангилалд –116 иргэн бүртгүүлээд байгаа юм.

“Түрээсийн орон сууцны талаар авах арга хэмжээний тухай” Монгол Улсын Засгийн газрын 2019 оны 06 дугаар сарын 05-ны өдрийн 223 дугаар тогтоолын дагуу “972 айлын орон сууцанд иргэдийг хамруулах тухай”  Нийслэлийн иргэдийн Төлөөлөгчдийн хурлын Тэргүүлэгчдийн 2019 оны 07 дугаар сарын 04-ний өдөр 115 дугаар тогтоол батлагдсан. Уг тогтоолын дагуу Нийслэлийн Засаг даргын захирамжаар байгуулагдсан Түрээсийн орон сууцанд хамрагдах иргэдийг сонгон шалгаруулах үүрэг бүхий комиссын бүрэлдэхүүн 2019 оны 08 дугаар сарын 06-ны өдрөөс 09-ний өдрийг дуустал бүртгэлд хамрагдсан нийт 35,058 иргэдийн анкетын мэдээллийг шүүж эрэмбэлэх ажлыг хийж гүйцэтгэлээ. 



2019 оны 08 дугаар сарын 12-ны өдөр эрэмбэлэгдсэн иргэдийн мэдээллийг холбогдох байгууллагуудаас авах, нягтлан шалгах ажил хийгдсэн байна. Одоогоор хүсэлтийн дагуу эрэмбэлэгдсэн иргэдэд тэнцсэн тэнцээгүй талаар мэдэгдэл хүргүүлэх ажил явагдаж байна.  

Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.