Хөдөлмөрийн аюулгүй байдал эрүүл ахуй хариуцсан ажилтаны манлайлал

Хөдөлмөрийн аюулгүй байдал эрүүл ахуй хариуцсан ажилтаны манлайлал
Барилгын салбарт гарч байгаа нийтлэг үйлдвэрлэлийн ослыг бууруулахад нэн тэргүүнд байгууллагын  ХАБЭА хариуцсан ажилтан барилгын үйлдвэрлэлийн үйл ажиллагаанаас үүсэх аюул, эрсдэлийг хянан удирдахын тулд тухайн байгууллагын хүлээх үүрэгтэй холбоотой зайлшгүй авч хэрэгжүүлэх үйл ажиллагаа, алхамуудын ерөнхий зарчмыг бүх оролцогч талуудын төлөөлөлтэй хамтран тогтоож, харилцан зөвшилцөх нь чухал байна. Бидний хувьд ХАБЭА-н удирдлагын тогтолцооны олон улсын  стандарт буюу PDCA зарчим/Демингийн цикл дэх төлөвлөлтийн мөчлөг дээр онцгой анхаарах шаардлагатай байна.  



Хөдөлмөр эрхлэлтийн явцад гарч болзошгүй осол, бэртэл, өвчлөлөөс ажилтныг хамгаалах, хөдөлмөрийн аюулгүй байдал, эрүүл ахуйн менежментийг нэвтрүүлэхэд   ажил олгогчдод ХАБЭА-н тухай хуулинд тусгагдсан доорхи эрх, үүргүүдийг хэрэгжүүлэхэд нь ХАБЭА хариуцсан ажилтан хөдөлмөрийн аюулгүй байдлын  манлайллын 5 зарчмыг  баримталдаг хамтрагч нь байх ёстой. Үүнд: 
Нэгдүгээрт: ХАБЭА-н нөхцөлийг хангах арга хэмжээ, түүнд шаардагдах  хөрөнгийг жил бүрийн төсөв, төлөвлөгөө, хамтын гэрээнд тусгаж, зориулалтаар нь зарцуулах (Хуулийн заалт  28.1.14);
Хоёрдугаарт: Аюулгүй ажиллагааны мэдлэг олгох сургалт явуулах, хөдөлмөрийн аюулгүй байдал, эрүүл ахуйн талаархи мэдлэгийг жил бүр шалгах, аюулгүй ажиллагааны зааварчилга өгөх, сургалтад хамрагдаагүй, зааварчилга аваагүй, шалгалт өгөөгүй ажилтнаар ажил үүрэг гүйцэтгүүлэхгүй байх (хуулийн заалт 28.1.8) зэрэг болно.
Дээрх ажил олгогчийн үүргийг хэрхэн үр дүнтэй хэрэгжүүлэх боломжийг бүрдүүлэхтэй холбоотойгоор 640 суудалтай ЕБС-ийн барилгын төсөв дээр жишээ болгон судлан үзье:
  1. Барилгын төсөв дэх ажиллах хүчний зардалд ажлын багаж, хувцас хэрэгсэлд зарцуулах мөнгөн дүн (63,816,956 төгрөг)-ийн хуваарилалтын тооцоог гаргав. (Барилгын төсвийн “Estimator Pro” програм)

2. Барилга угсралтын ажлын үе шатанд ажлын байранд учирч болзошгүй аюулыг илрүүлэх, тогтоох, үнэлэх, бууруулах, арилгах зорилгоор эрсдлийг зөв тодорхойлох, тэдгээрийг хянах  арга хэмжээний нэр төрөл болон хөрөнгө мөнгөний шаардлагыг төсөвлөхөд хүснэгт 1,2-г ашиглах боломжтой.

Дүгнэлт:
- Тухайн ажлын байрны тодорхойлолт, эрсдлийн үнэлгээ нь ихээхэн чухал бичиг 
баримт бөгөөд түүний тусламжтайгаар ХАБЭА хариуцсан ажилтан нь ажлын 
байранд үүсэх эрсдэл, түүнтэй хэрхэн тэмцэх, ослыг арилгах зэрэг даалгаварыг
гүйцэтгэх;
- Аливаа осол эндэгдэл гарах магадлал,үүсэж болох хохирлын хэмжээнд тулгуурлаж 
эрсдлийн таамаглалыг боловсруулах;
- Байгууллага бүр дотооддоо аюул ослын урьдчилсан тооцоо, эрсдлийн дүн шинжилгээ 
болон түүнтэй тэмцэх арга хэмжээг боловсруулах өөрийн гэсэн арга барилтай байх; 
- Бүх түвшний удирдлага болон ажилтан албан хаагчид нь тус аргачлалыг ойлгосон, 
өөрсдийн үүргийг дээд зэргээр ухамсарласан байх бөгөөд зохих сургалтуудад
хамрагдаж, өдөр тутмын ажилдаа хэрэгжүүлж байх хэрэгтэй.
 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.