Нийтийн эзэмшлийн талбайнуудыг чөлөөлж байна

Нийтийн эзэмшлийн талбайнуудыг чөлөөлж байна

Нийслэлийн иргэдийн эрүүл, аюулгүй орчинд амьдрах эрхийг хангах, явган хүний зам талбайг нэмэгдүүлэх зорилгоор нийтийн эзэмшлийн гудамж, зам талбай дахь орц, гарц, явган хүний замыг хааж, зорчих хөдөлгөөнд саад учруулж буй 198 байршлын газрын зөрчлийг арилгахаар нийслэлийн Газар зохион байгуулалтын алба ажиллаж байна. 
Энэхүү ажлын хүрээнд Баянгол дүүргийн 39, Баянзүрх дүүргийн 41, Сүхбаатар дүүргийн 26, Сонгинохайрхан дүүргийн 41, Хан-Уул дүүргийн 24, Чингэлтэй дүүргийн 27 байршилд газар чөлөөлөх бөгөөд одоогоор Баянгол дүүрэгт зургаа, Хан-Уул дүүрэгт найман байршлын газрыг чөлөөлжээ. Тухайлбал, Хан-Уул дүүрэг 1-р хороо, "Эрэл-3" СӨХ явган хүний замгүй болгож илүү талбай хашаалсан, 3-р хороо "Орхон Хасу" дунд сургууль нь зүүн талдаа зөвшөөрөлгүй хайс хийсэн, 15-р хороо, 55Б байрны хойд талд зөвшөөрөлгүй барьсан хашаа, 15-р хороо "Хүч" авто угаалга нь үүдэндээ зөвшөөрөлгүй тоосгон хашаа барьж явган замыг хаасан зэрэг зөрчлийг тус бүр арилгасан байна.

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.