Б.Сүхбаатар: Түрээсийн орон сууцны бүртгэлийг иргэд өөрсдөө давхар хянах боломжтой

Б.Сүхбаатар: Түрээсийн орон сууцны бүртгэлийг иргэд өөрсдөө давхар хянах боломжтой
 
Түрээсийн орон сууцны цахим бүртгэл ирэх даваа гаригт эхэлнэ. Үүнтэй холбогдуулан Нийслэлийн орон сууцны корпораци /НОСК/ - аас өнөөдөр хэвлэлийн бага хурал хийлээ. Энэ үеэр хэнд, хэрхэн олгох, ямар шаардлага тавих болон шалгаруулалт хэрхэн явагдах, иргэд бүртгүүлэхдээ юун дээр анхаарах хэрэгтэй талаар албан ёсны мэдээлэл өгсөн юм.
Бүртгэл шилэн хэлбэрээр буюу нээлттэйгээр явагдах учир иргэд өөрсдөө хянах боломжтой гэдгийг энэ үеэр онцолж байлаа. Харин шалгаруулалтыг НОСК биш томилогдсон ажлын хэсэг хийх юм байна. Түүний дараа буюу ирэх сараас иргэд түрээсийн орон сууцандаа орж эхлэх ажээ. Бүртгэл 14 хоног үргэлжилж, наймдугаар сарын 5-нд дуусна. Иргэдийн бүртгүүлсэн дарааллаар биш бүртгэлийн мэдээллээс шалтгаалж, эрэмбэлэх ажээ. Орон сууцууд нь 68.59 мкв талбайтай гурван өрөө, 39.30 талбайтай хоёр өрөө, 49.23 хоёр өрөө гэсэн гурван төрөл бөгөөд үнийн хувьд байрны талбайн хэмжээнээс шалтгаалан энгийн түрээс 137.500-411.000 төгрөгийн хооронд байх аж.
Цалин, тэтгэврийн болон бусад зээлтэй иргэд түрээсийн орон сууцанд хамрагдах боломжтой бөгөөд гол нь зээлээ төлөөд, түрээсээ өгч чадах хэмжээний орлоготой байх ёстой юм. Хэрэв иргэд худал мэдээлэл өгч, бүртгүүлсэн байвал хар жагсаалтад орж, цаашид НОСК-иас зохион байгуулах арга хэмжээнд оролцох боломжгүй болох юм. Тиймээс иргэд хариуцлагатай хандаж, үнэн зөв мэдээлэл өгөх хэрэгтэйг анхаарууллаа. Түрээсийн орон сууцтай холбоотой мэдээллийг НОСК-ийн 7000-6953 утсаар холбогдож авч болох юм байна.





 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.