Барилгачин групп 70 гаруй компанийн 300 гаруй нэр төрлийн барилгын материалыг ханган нийлүүлдэг

Барилгачин групп 70 гаруй компанийн 300 гаруй нэр төрлийн барилгын материалыг ханган нийлүүлдэг
Барилга, амины орон сууц барих гэж байгаа иргэд болон барилгын салбарын байгууллага, аж ахуйн нэгжүүдэд үйл ажиллагаагаа явуулахад олон асуудал тулгардаг. Ялангуяа иргэдийн хувьд байшин, амины орон сууц барина гэдэг амьдралд нь 1-2 хон удаа тохиолдох ажил юм. Ийм учраас барилгын материалын чанар, чансаа, хийх арга, аргачлалын талаар мэдлэг, мэдээлэл багатай байдаг. Мэдэхгүйгээсээ болоод чанаргүй барилгын материал сонгох, тэр байтугай буруу барих тохиолдох ч элбэг. Тэгвэл энэ бүх асуудлыг нэг дор шийдэж өгсөн буюу өөрт хэрэгтэй чанартай барилгын материалаа худалдаж аваад хүргүүлэхийн зэрэгцээ хэрхэн барих арга, аргачлалынхаа талаар зөвлөгөө мэдээлэл авах цаашилбал барилгын гүйцэтгэгчээ хүртэл сонгоод барилга, амины орон сууцаа бариулах боломжийг олгодог нэг цэгийн үйлчилгээ үзүүлдэг байгууллага бол “Барилгачин групп” юм. Иргэд болон барилгын салбарын байгууллага, аж ахуйн нэгжүүдэд тулж, түших багана нь болдог тус группийн үйл ажиллагааных нь талаар Ерөнхий менежер Ч.Батцэнгэлтэй ярилцлаа.

-“Барилгачин групп”-ийн үйл ажиллагаа болон иргэд, байгууллага, аж ахуйн нэгжүүд болох харилцагч, үйлчлүүлэгчдэдээ ямар үйлчилгээ үзүүлдэг талаар эхлээд танилцуулахгүй юу?

-Манай групп 2017 онд байгуулагдсанаас хойш барилгын материал үйлдвэрлэгчид, худалдаа эрхлэгчдийн бүтээгдэхүүнийг өөрийн ханган нийлүүлэлтийн сүлжээгээр дамжуулан худалдаалах, хүргэх дээр нь зөвлөгөө мэдээллээр хангах зэрэг нэг цэгийн үйлчилгээг үзүүлж ажилладаг. Тодруулж хэлбэл, манай үйл ажиллагааны чиглэл барилгын материалын худалдаа, хүргэлт, барилгын зөвлөгөө мэдээлэл, барилгын ханган нийлүүлэлт, ложистикийн төв, амины орон сууцны зураг төсөв, гүйцэтгэлийг нийт харилцагч, үйлчлүүлэгчдэдээ үзүүлдэг гэсэн үг. Одоогийн байдлаар үндэсний шилдэг 70 гаруй үйлдвэрлэгч, ханган нийлүүлэгч, байгууллагуудын 300 гаруй нэр төрлийн барилгын материалыг нэг цэгээс үйлдвэрийн үнээр нийлүүлж, барилгын салбарт гол ханган нийлүүлэлтийн үйл ажиллагааг хэрэгжүүлэн ажиллаж байна. Тухайлбал, цемент гэхэд бүх төрлийн, блок 4-5 төрөл, арматур, дүүргэлтийн блок, явган замын болон хучилтын хавтан, бетон зуурмаг, бүх төрлийн замаск, дээврийн материал, хаалга цонх гэх мэтчилэн шаардлагатай бүхий л материал бий. Мөн агуулах, мал аж ахуйн байр, спорт цогцолбор, барилгын өргөтгөл, автомашины зогсоол гэх мэтчилэн ангар байгууламжийг барихад шаардлагатай материалууд байгаа.  

-Ижил үйл ажиллагаа явуулдаг бусад байгууллагаас танайх юугаараа онцлог, ялгаатай вэ?

-Манай группт хандаж үйлчлүүлснээр хамгийн гол нь чанар, стандартын шаардлага хангасан материалыг үйлдвэрийнх нь үнээр нэг цэгээс хурдан шуурхай авч чадна. Цаг, хугацаатай уралдаж ажилладаг барилгын салбарынхны хувьд энэ бол хамгийн үнэтэй зүйлийн нэг. Цаг хугацаа хэмнэнэ гэдэг тэр хэрээр маш их зардал хэмнэдэг. Төрийн бус байгууллагаас гаргасан судалгаагаар барилга баригдах хугацааны 3/1 хувийг чанартай барилгын материал хайж, үйлдвэрийн үнээр худалдаж авахад зарцуулдаг болохыг тогтоосон байдаг. Иргэдийн хувьд ч байшин, амины орон сууц барих эсвэл орон сууцандаа засвар, тохижилт хийхийн тулд “100 айл руу 100 явдаг” гэсэн яриа хүртэл байдаг шүү дээ. Тэгвэл бидэнд хандсанаар ийм байдал гарахгүй. Дээр нь чанар, стандартын шаардлага хангасан материал авна гэдэг амар ажил биш. Нөгөө талаар барилын материалын худалдааны төвүүд ихэвчлэн Е-баримт олгодоггүй. Харин бид харилцагч, үйлчлүүлэгчдэдээ энэхүү баримтыг олгодог. Тендерт оролцож байгаа болон төсвийн хөрөнгөөр бүтээн байгуулалт хийж буй болон ер нь бүх аж ахуйн нэгж, байгууллагад ийм баримт хамгийн хэрэгтэй зүйлийн нэг учраас манайхыг түлхүү сонгодог. Өөрөөр хэлбэл, манайд хандсанаар үйлдвэрийнх нь үнээр худалдан авалт хийхийн зэрэгцээ Е-баримт авна гэсэн үг.
Иргэдийн хувьд амины орон сууц, байшин барихын тулд эхлээд материалаа судлах хэрэгтэй болдог. Суурийн материал, хана, дээвэр, засал, цэвэр, бохир шугам сүлжээ, халаалт гэх мэтчилэн энэ бүх зүйлийг судлахад цаг хугацаа их ордог. Доод тал нь 14 хоног бөгөөд түүнээс дээш 1 сар болдог. Ийм хугацааг зарцуулж байж хүссэн, чанартай материалаа олж авах нь нэг хэсэг. Зарим нь ингэж их цаг хугацаа, зардал мөнгөө үрчихээд чанаргүй материал сонгох үе ч бий. Тэгвэл “Барилгачин групп”-д хандсанаар энэ бүх асуудлаа нэг дор шийдвэрлэж чадна. Дээр нь хүргэлтийн үйлчилгээ буюу барилгын талбай, гэрийнхээ хашаанд шууд буулгуулах боломжтой. Үүний тулд Та бүхэн манай группийн албан ёсны вэб сайт болох
www.barilgachin.mn сайт, пэйж хуудаснаас өөрт хэрэгтэй бараа, бүтээгдэхүүнээ сонгоод шууд захиалга үүсгэж болно. Эсвэл 7711-1177 утсаар холбогдож захиалаад, хүргүүлж авч болно. Мөн “Мишээл” барилгын их дэлгүүрийн 2 давхарт байрлах “Амины орон сууц”, “Барилгачин групп”-ийн шоурүүмээр зочилж бүтээгдэхүүнүүдтэй танилцах, мэргэжлийн инженер техникийн ажилтнуудаас зөвлөгөө, мэдээллийг авах бүрэн боломжтой. Саяхан бид “Барилга.МН” ХХК-тай хамтраад “Амины орон сууцны шилдэг 100 загвар” каталоги гаргасан. Энэхүү каталогиос сонголт хийгээд газар дээр нь материалаа тооцоолон бодуулж авах бас боломж бий. Одоогийн байдлаар манай групп амины орон сууцны багц материалын худалдаа гаргаад байна. Энэхүү багцад элс, хайрга, арматур, цемент, блок, блокны цавуу, дулаалга, фасадны материал, хаалга, цонх, заслын материал, цэвэр бохирын материал гээд амины орон сууц барихад шаардлагатай бүх материал орсон.



-Шууд хүргэж өгдөг гэхээр сонирхолтой санагдаж байна. Тээвэрлэлт, хүргэлтийнхээ талаар тодруулахгүй юу?

-Сүүлийн жилүүдэд тээвэрлэлт, хүргэлтийн үйлчилгээ үзүүлдэг хувь хүмүүс, компаниуд олноор бий болсон. Иймээс бид энэ хүмүүстэй холбогдож хүргэлтийн үйлчилгээг үзүүлдэг. Жишээлбэл, МАК-ийн блок авахын тулд Налайхад байрлах тус компанийн үйлдвэрийг эхлээд зорих хэрэгтэй болно. Түүний дараа блокоо зөөвөрлөж, тээвэрлэх тээврийн хэрэгслээ олох гээд цаг хугацааны хувьд ч, мөнгө санхүүгийн хувьд ч зохицуулах асуудал их гардаг. Харин бидэнд хандсанаар тухайн блокоо үйлдвэрийнх нь үндсэн үнэээр захиалаад авахын зэрэгцээ тээвэрлэлтийн хувьд ч тухайн үйлдвэртэй хамгийн ойрхон байгаа тээвэрлэгчдэд мэдээллийг өгч, хүргэлт хийснээр дээрх бүх алдагдлыг хэд дахин бууруулах ач холбогдолтой. Үүнтэй адил Налайх, 44, Гурвалжингийн гүүр, Амгалан гэх мэтчилэн бүх хэсэгт тээвэрлэлт, хүргэлтийн үйлчилгээг хямд зардлаар үзүүлэх бүрэн боломжтой. Энэхүү үйлчилгээг одоогоор гар аргаар зохицуулж байгаа бөгөөд тун удахгүй хүргэлтийн цахим ситемийг нэвтрүүлэхээр бид бэлтгэл ажлаа хангаад ажиллаж байна.

-Бараа, бүтээгдэхүүнээ танайхаар худалдан борлуулж буй байгууллага, аж ахуйн нэгжүүдийн хувьд ямар ашиг, давуу талтай юм бэ?

-Бүтээгдэхүүн бий болгогч, үйлдвэрлэгч аж ахуйн нэгж, байгууллагуудын хувьд бараа, бүтээгдэхүүнээ олон нийтэд хүргэх, борлуулахын тулд бүхэл бүтэн баг хамт олон буюу доод тал нь 5-8 хүн ажиллуулах шаардлагатай байдаг. Ингээд зогсохгүй нийт зардлынхаа нэлээд хувийг сурталчилгаа, борлуулалтад зарцуулах хэрэгтэй болдог. Уг нь тухайн үйлдвэрлэгч бүтээгдэхүүнийхээ чанар, үйлдвэрлэл дээр анхаарлаа төвлөрүүлж ажилламаар байдаг. Гэтэл ингэж ажиллахаар бүтээгдэхүүн нь борлогдохгүй, борлуулалт дээрээ анхаарахаар үйлдвэрлэл нь явдаггүй жишээ олонтаа. Иймээс үйлдвэрлэгчдийн хувьд “Барилгачин групп”-т хандсанаар салбартаа мэргэшсэн мэдлэг, чадвартай борлуулалтын менежерүүдээр бүтээгдэхүүнээ маш олон сүлжээгээр худалдан борлуулуулах юм. Тодруулж хэлбэл, “Барилгачин групп”-тэй хамтарснаар тухайн үйлдвэрлэгч зөвхөн үйлдвэрлэл дээрээ буюу бүтээгдэхүүнийхээ чанарт анхаарлаа хандуулж ажиллах боломж бий болно.

-Тэгвэл танай групптэй хамтран ажиллах хүсэлтэй байгууллагууд хэрхэн, яаж хандах вэ?

-Хамтран ажиллах хүсэл, сонирхолтой байгууллага, аж ахуйн нэгж, хувь хүн бүрт манай групп үргэлж нээлттэй. Гэхдээ бидний зүгээс тавьдаг гол шаардлага бол тухайн бараа, бүтээгдэхүүн чанар, стандартын шаардлага хангасан байх ёстой. Тодруулбал, материал үйлдвэрлэсэн зөвшөөрлийн гэрчилгээ, үйлдвэрлэлийн сертификат зэргийг бид нарийн шалгадаг. Энэ дашрамд нэг зүйлийг хэлэхэд сүүлийн үед барилгын салбар хямралаас гарч, үйл ажиллагаа нь ч өргөжин тэлж байна. Тэр хэрээр манай группийн ханган нийлүүлэлтийн эрэлт эрс өссөн. Иймээс энэ эрэлтийг хангах нөөц бололцоо, зах зээлийн орон зай барилгын салбарынханд маань байгаа гэдгийг дуулгахад таатай байна. Ер нь барилгын бараа, материал худалдан авахаар хайж буй иргэд, аж ахуйн нэгж байгууллагуудын дунд явуулсан судалгаагаар манай группээс бараа, материал авах нь илүү амар, хялбар гэж дийлэнх нь хариулсан байдаг.

-Барилга, амины орон сууц барих аж ахуйн нэгж, байгууллага, иргэдэд зориулан мэргэжлийн зөвлөгөө, мэдээлэл өгдөг гэж байна. Энэ талаар тодруулж өгөхгүй юу?

-Барилга, амины орон сууц барихаар төлөвлөж, зорьж ажиллаж буй аж ахуйн нэгж, байгууллага, иргэдэд зориулан мэргэжлийн зөвлөгөө мэдээллийг тогтмол өгч ажилладаг.  Ихэвчлэн иргэд амины орон сууц, барилга барихад ямар материал илүү чанартай эсэх, яаж барих, бат бөх, найдвартай барихын тулд юун дээр анхаарч ажиллах ёстой гэх мэтчилэн олон асуултад хариулт хайдаг. Иймээс манай группийн мэргэжлийн хүмүүсээс зөвлөгөө мэдээлэл аваад тухайн барих гэж байгаа барилга байшингийнхаа орц норм, тоо ширхэгийг гаргуулах, хэрхэн барих аргачлал, барилгын зураг төсөв гаргах, материал сонгох, гүйцэтгэгч олоход нь мэргэжлийн зөвлөгөө мэдээллээр хангана. Түүнчлэн иргэдэд зориулан эрчим хүчний хэмнэлттэй 30-150 м2  талбайтай  амины орон сууцны нэг маягийн зураг төслийг үнэ төлбөргүй өгөх үйлчилгээ үзүүлж байна.


-Аж ахуйн нэгж, байгууллагуудын хувьд бүтээн байгуулалтынхаа ажилд их хэмжээний бараа бүтээгдэхүүн авах сонирхолтой. Иймээс тэр хүссэн хэмжээний бүтээгдэхүүнийг нь нийлүүлэх боломж, бололцоо хэр байдаг вэ?

-100 хувь хүссэн хэмжээгээр нь нийлүүлэх бүрэн боломжтой. Нөгөө талаар бидний ханган нийлүүлж буй 70 гаруй үйлдвэрлэгч, ханган нийлүүлэгч байгууллагуудын 300 гаруй нэр төрлийн бүтээгдэхүүнүүд нь яг одоо барилгын салбарт хамгийн өргөн хэрэглэгддэг бараа материалууд юм.

-Барилгын салбарынхны хувьд бүтээн байгуулалтын ажил ид өрнөж буй үедээ захиалсан бараа, бүтээгдэхүүнээ түргэн шуурхай авна гэдэг хамгийн үнэтэй зүйлийн нэг. Энэ шаардлагыг нь хангаж чаддаг уу?

-Манай үйлчилгээний гол давуу тал бол харилцагч, үйлчлүүлэгчдэдээ цаг хугацаа, зардлыг нь хэмнэж өгөх. Үүний үр дүнд манайд хандсан үйлчлүүлэгч, харилцагчид ч 100 хувь сэтгэл ханамжийн баталгаатай байдаг. Ер нь барилгын материал авахад хувь хүн гэхэд доод тал нь 3-5 хоног зарцуулдаг. Амины орон сууц барихын тулд барилгын материал цуглуулах гэж 14 хоног зарцууллаа гэсээр нэг хүн ирж байсан. Харин бидэнд хандсанаар иргэд, аж ахуйн нэгж байгууллага ялгаагүй тухайн өдөртөө асуудлаа шийдвэрлүүлэх бүрэн боломжтой.
Эх сурвалж: Barilga.mn

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    matilda 11 өдрийн өмнө 197.234.221.188

    Сайн уу, ээж ээ Хүмүүсийн мөрөөдлийг биелүүлэх боломжийг олгохын тулд бид зээл олгодог санхүүгийн бүтэц юм. Хэрэв танд хувийн төсөл байгаа бол; эсвэл санхүүжилт хэрэгтэй. Хэрэв та сонирхож байгаа бол бидэнтэй холбоо бариарай. Зээл хүсч буй дүн болон эргэн төлөлтийн хугацааг бидэнд шууд хэлнэ үү. * 3,000 долларын эргэлтийн зээлд $ 15,000,000 * и-мэйл: matildalecoustre@gmail.com wathsapp: 0022 995 414 913