“Хот төлөвлөлт судалгааны институт” байгуулахаар боллоо

“Хот төлөвлөлт судалгааны институт” байгуулахаар боллоо

Нийслэлийн Засаг даргын зөвлөлийн өчигдрийн хуралдаанаар “Хот төлөвлөлт судалгааны институт” ОНӨТҮГ байгуулах тухай хэлэлцсэн байна. Энэ талаарх танилцуулгыг нийслэлийн “Зураг төслийн хүрээлэн” ОНӨҮГ-ын дарга Ч.Рэгзмаа хийсэн байна. “Зураг төслийн хүрээлэн” ОНӨҮГ нь анх 1964 онд “Барилга засвар шугам сүлжээний зураг төсвийн групп” гэсэн нэрээр байгуулагдаж түүнээс хойш 50 гаруй жил аж ахуйн тооцоон дээр үйл ажиллагаа явуулж өнөөдрийг хүрчээ. НИТХ-ын Тэргүүлэгчдийн 2019 оны 20 дугаар тогтоолоор “Нийслэлийн зураг төслийн хүрээлэн” орон нутгийн өмчит аж ахуйн тооцоот үйлдвэрийн газрын зорилт, үйл ажиллагааны үндсэн чиглэл, бүтэц зохион байгуулалтад өөрчлөлт оруулах замаар “Хот төлөвлөлт судалгааны институт байгуулах” талаар холбогдох хууль, тогтоомжийн хүрээнд төсөл боловруулагдсан байна.
“Хот төлөвлөлт судалгааны институт” ОНӨААТҮГ болсноор хот байгуулалтын суурь судалгаа хийх зургаан дэд чиг үүрэг, Хот байгуулалтын баримт бичиг боловсруулах есөн дэд чиг үүрэгтэй болж өөрчлөгдөх аж. Нийслэлийн Засаг дарга бөгөөд Улаанбаатар хотын Захирагч С.Амарсайхан “Хот төлөвлөлтийг мэргэжлийн нарийн судалгаа тооцоотой хийдэг болох хэрэгтэй. Цаашид хот төлөвлөлтөд гарсан алдаа дутагдлыг ахиж давтагдахгүйгээр мэргэжлийн түвшинд судалгаа шинжилгээг хийдэг бие даасан байгууллага байгуулахыг зорьж байгаа” гэдгийг онцолсон байна.
Зөвлөлийн гишүүд ОНӨТҮГ байгуулахыг дэмжсэнээр уг асуудлыг НИТХ-ын Тэргүүлэгчдийн хуралдаанаар хэлэлцүүлэхээр болжээ. 

 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.