Монголын барилгын инженерүүдийн холбооны Ерөнхийлөгчөөөр Ц.Ганбат сонгогдлоо

Монголын барилгын инженерүүдийн холбооны Ерөнхийлөгчөөөр Ц.Ганбат сонгогдлоо
Монголын Барилгын Инженерүүдийн Холбоо /МБИХ/-ны X Их хурал өчигдөр Барилгын хөгжлийн төвийн хурлын танхимд болсон талаар манай сайт мэдээлж байсан. Хурлаар шинээр элссэн гишүүн байгууллагуудад гэрчилгээ, хандивлагч байгууллагуудад батламж гардуудлахын зэрэгцээ хүндэт гишүүдэд өргөмжлөл гардуулсан байна. 



Түүнчлэн хурлын үеэр холбооны 2017-2019 онд хэрэгжүүлсэн болон санхүүгийн үйл ажиллагааны тайлан, үр дүн, цаашдын зорилтын талаар хэлэлцэж ярилцаад дүгнэж баталлаа. 



Мөн холбооны Удирдах зөвлөлийн дарга буюу Ерөнхийлөгч, зөвлөлийн гишүүдийг сонгох арга хэмжээ болж, холбооны Ерөнхийлөгчөөөр Монгол Улсын зөвлөх инженер, “Ган ганжир” ХХК-ийн захирал, “Барилга.МН” сэтгүүлийн бодлогын зөвлөлийн гишүүн Ц.Ганбат сонгогдлоо.



Их хурлын хүрээнд “Өндөр болон томоохон барилгын бетоны ажил үйлдвэрлэл, гүйцэтгэл, хяналт, шалгалт” олон улсын семинар өнөөдөр боллоо. Тус семинарын үеэр Тайвань улсын давхар хүчитгэсэн гүүрийн барилга угсралтын ажил болон бүтээцийн тооцоо сэдвээр Тайваны Газар хөдлөлийн эрдэм шинжилгээний үндэсний төвийн эрдэмтэн, доктор Чин-Куо-Си, Оюутолгой төслийн гүний уурхайн барилгын төмөр бетоны ажил. Дотоод хяналт сэдвээр “М СИ Эс Проперти” ХХК-ийн Барилга хариуцсан дэд захирал Г.Эрдэнэбаатар, Масс бетоны арчилгаа сэдвээр “Тесэо Пропертис” ХХК-ийн ерөнхий инженер Б.Нанзаддорж нарын хүмүүс илтгэл тавьсан юм. Харин маргааш “Хяналтын тогтолцоо” сэдвийн хүрээнд олон улсын дугуй ширээний ярилцлага “Рамада” зочид буудлын 4 даавхарт болно.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.