Монголын барилгын инженерүүдийн холбооны 10 дугаар их хурал болж байна

Монголын барилгын инженерүүдийн холбооны  10 дугаар их хурал болж байна

Монголын Барилгын Инженерүүдийн Холбоо /МБИХ/ 1996 онд барилгын зураг төслийн 29 инженерийн санаачилгаар үүсгэн байгуулагдаж, өдгөө 23 дахь жилдээ үйл ажиллагаа явуулж байна. 2000 гаруй инженер, 200 гаруй барилгын салбарын аж ахуйн нэгжүүдийг нэгтгэсэн МБИХ-ны X Их хурал өнөөдөр Барилгын хөгжлийн төвийн хурлын танхимд болж байна. Тус хуралдааныг нээж Барилга, хот байгуулалтын дэд сайд Б.Мөнхбаатар болон Барилгын хөгжлийн төвийн захирал Ц.Амарсанаа нар үг хэлж, хүрэлцэн ирсэн зочид, төлөөлөгчдөд амжилт хүслээ. 


Холбооны Удирдах зөвлөлийн дарга, Удирдах зөвлөл, Хяналтын зөвлөлийн гишүүдийн бүрэн эрхийн хугацаа хоёр жил байдаг. Тиймээс өмнөх Удирдах зөвлөлийн гишүүдийн бүрэн эрхийн хугацаа дуусгавар болж, 2020-2022 онд уг холбоог удирдах зөвлөлийн дарга, гишүүдийг сонгох сонгуулийн ажиллагаа энэхүү хурлаар зохион байгуулагдаж байгаа юм.



МБИХ-ны Ерөнхийлөгч Б.Мөнхбаяр: “2017-2019 оны хооронд хийсэн хамгийн гол ажлуудаас дурдвал, Барилга, хот байгуулалтын яамны сайдын тушаалаар гарсан төрийн зарим чиг үүргийг мэргэжлийн байгууллагад шилжүүлэх үйл ажиллагааны хүрээнд “барилгын угсралтын ажлын тусгай зөвшөөрөл олгох” болоод “мэргэшсэн, зөвлөх инженерүүдийн сургалт” - ыг зохион байгуулах үйл ажиллагаанд идэвхтэй оролцож ажиллалаа. Мөн инженерүүдийнхээ мэдлэг чадварыг дээшлүүлэх хүрээнд сургалт, зөвлөх үйлчилгээг үзүүлж, 20 гаруй норм нормативыг өөрчлөх ажилд оролцсон гэдгийг онцлон хэлмээр байна.
Харин олон улсын хамтын ажиллагааны хувьд Азийн барилгын инженерүүдийн их хуралд амжилттай яваад ирлээ. Цаашид инженерүүдэд техникийн мэдлэгээс гадна өөр олон салбарын ойлголт, боловсролтой байх шаардлага тулгарч байгаа учраас энэ чиглэл рүү хандсан үйл, ажиллагаа явуулах төлөвлөгөөтэй байгаа” хэмээн ярьсан юм.

 
Эх сурвалж: Barilga.mn

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 2019-06-12 23:39 182.160.32.137

    Хотыг М.Энхболдын маф дампууруулж байхад энэ холбоо,энэ инженерүүд хаана явж байваа.Магадгүй тэднээс газар гуйгаал салгалж байсан байж мэднэ.Улаанбаатар хотод орсон чонын үлдээсэн сэг зэм шиг болсон.Та нар одоо юугаа ярьж элийрэх гэж байнаа.