ХАБЭА – н ажилтан бэлтгэх сургалт явагдаж байна

ХАБЭА – н ажилтан бэлтгэх сургалт явагдаж байна
Барилгын сургалт, хөгжлийн академи /БСХА/ -аас зохион байгуулж буй хөдөлмөрийн аюулгүй байдал, эрүүл ахуйн асуудал хариуцсан ажилтны 5 өдөр, 40 цагийн энэ удаагийн сургалт зургадугаар сарын 10-наас  “Барилга.МН” оффисын сургалтын танхимд явагдаж эхэллээ. Сургалтанд барилгын болон бусад салбарт ажиллаж байгаа инженер техникийн ажилтнууд хамрагдаж байна.

Сургалтын хөтөлбөрт ХАБЭА-н хууль, дүрэм журам, стандартын танилцуулга, хөдөлмөрийн нөхцлийг сайжруулах арга хэмжээ, үйлдвэрлэлийн осол түүнээс урьдчилан сэргийлэх, галын болон цахилгааны аюулгүй байдал зэрэг онолын мэдлэг олгох сэдвүүдээс гадна эрсдлийн үнэлгээ хийх, эмнэлгийн анхан шатны тусламж үзүүлэх дадлагын хичээлийг багтаасан ба хичээлүүдийг ХАБЭА-н сургагч багш нар, Монгол Улсын зөвлөх болон мэргэшсэн инженерүүд зааж байна. 

Сургалтад хамрагдсан суралцагчид Хөдөлмөр нийгмийн хамгааллын яам, Хөдөлмөрийн аюулгүй байдал, эрүүл мэндийн төвийн албан ёсны 2 жилийн хүчинтэй гэрчилгээ гардан авах юм. Мөн тус академиас ажил олгогч эздийн сургалт, нийт ажилтны сургалтыг зохион байгуулдаг ба аж ахуйн нэгж байгууллагын захиалгаар ХАБЭА-н сургалтыг үйлдвэрлэлийн талбай дээр явуулах, эрсдлийн үнэлгээ хийх, дүрэм журам боловсруулах чиглэлээр мэргэжлийн зөвлөгөө өгч ажиллаж байна.
Дашрамд дуулгахад сургалтанд хамрагдаж амжаагүй хүмүүсд зориулан зургадугаар
 сарын 24-28 хооронд ХАБЭА-н ажилтан бэлтгэх сургалт явуулахаар боллоо. Та бүхэн амжиж бүртгүүлээрэй 

 
Манай сургалтын давуу талууд
  • Төгсөгчдөд Хөдөлмөр нийгмийн хамгааллын яам, Хөдөлмөрийн аюулгүй байдал, эрүүл мэндийн төвийн албан ёсны сертификат гардуулна
  • Мэргэжлийн чадварлаг ХАБЭА-н сургагч багш нар хичээлийг заана
  • Тохилог хичээлийн байртай, сургалтын тоног төхөөрөмжөөр бүрэн тоноглогдсон
  • Төгсөгчдийг ажлын байранд зуучилна
  • Цай, кофены завсарлага
  • Сургалтын материалаар бүрэн хангана
 Тавигдах шаардлага:
  • Бакалавраас доошгүй зэрэгтэй
Суралцагчдын бүрдүүлэх материал:                 
  • Иргэний үнэмлэхний хуулбар
  • Дипломын хуулбар
  • 3х4 хэмжээтэй цээж зураг – 2 хувь
Хаяг: УБ хот, БЗД, 6 хороо, Арслантай гүүрнээс чанх урагш Сэлбэ голын зүүн эрэгт байрлах BARILGA.MN оффис, 5 давхарт, Барилгын Сургалт Хөгжлийн Академи
Холбогдох утас: 94001171, 99995681

 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.