Хөдөлмөрийн аюулгүй байдлыг хангаж ажиллаагүй зөрчил илэрчээ

Хөдөлмөрийн аюулгүй байдлыг хангаж ажиллаагүй зөрчил илэрчээ


Нийслэлийн Мэргэжлийн хяналтын газраас Баянзүрх дүүргийн 14 дүгээр хороо, "Эс Си Си Ди" ХХК-ийн захиалгаар баригдаж буй оффисын барилгын гүйцэтгэгч "Жэй Эф Эй Эс" ХХК-ийн хийж гүйцэтгэж буй ажилд хөдөлмөрийн аюулгүй байдлыг хангаж ажиллаж байгаа эсэхэд шалгалт хийсэн байна. Энэ үеэр нэлээдгүй зөрчил илэрчээ. Тухайлбал, барилгын гадна орчин, нийтийн эзэмшлийн зам талбай болон барилгын үйлдвэрлэлийн орчинд тэмдэг, тэмдэглэгээ бүхий торон хаалт хамгаалалт, хүрээ, объект руу орох, гарах хэсэгт саравч бүхий хашлага хамгаалалт хийгээгүй. Цаашилбал, барилгын ажилчдыг хөдөлмөр хамгаалал, аюулгүй ажиллагааны мэдлэг олгох сургалтад хамруулаагүй,  аюултай ажил гүйцэтгүүлсэн. Барилгын ажилчдад ажлын хувцас, хувийн хамгаалах хэрэгсэл олгох техникийн нөхцөлийг бүрдүүлээгүй. Захиалагч, гүйцэтгэгчид хөдөлмөрийн аюулгүй байдлыг хангуулах талаар дотоодын хяналтын журам тогтоож мөрдүүлэх үүргээ биелүүлдэггүй зэрэг хэд, хэдэн ноцтой зөрчил илэрсэн байна. Иймээс дээрх зөрчлийг арилгах хугацаатай үүрэг даалгаврыг өгсөн байна. Мөн дээрх хяналт, шалгалт нийслэлийн хэмжээнд үргэлжлэн явагдаж байгаа ажээ.

 Дашрамд сонирхуулахад, Барилгын сургалт, хөгжлийн академи /БСХА/ -аас сар бүр хөдөлмөрийн аюулгүй байдал, эрүүл ахуйн асуудал хариуцсан ажилтны мэргэшүүлэх  сургалтыг явуулж  байна. Сургалт  “Барилга.МН” оффисын сургалтын танхимд болдог ба хичээлийг ХАБЭА-н сургагч багш нар, Монгол Улсын зөвлөх болон мэргэшсэн инженерүүд заадаг байна.  Сургалт нь хөдөлмөр, нийгмийн хамгааллын сайдын А33 тушаалын дагуу мэргэшүүлэх үлгэрчилсэн хөтөлбөрөөр явагдахаас гадна салбарынхаа онцлог, гол  гол сэдвүүдийг тусгасан нэмэлт хичээлүүд ордог. Мөн бүлгийн дадлага ажлыг хийдгээрээ онцлогтой байна. Сургалтад хамрагдсан суралцагчид 2 жилийн хүчинтэй гэрчилгээ гардан авах бөгөөд хугацаа дуусвал дахин сунгах боломжтойгоороо давуу талтай юм.

 
 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.