Буян-Ухаа хорооллын 972 айлын орон сууцыг түрээслэх шийдвэр гаргалаа

Буян-Ухаа хорооллын 972 айлын орон сууцыг түрээслэх шийдвэр гаргалаа

Өнөөдрийн засгийн газрын ээлжит хуралдаанаар Буян-Ухаад ашиглалтанд орж буй 972 айлын орон сууц, Орхон, Хөвсгөл, Говь-Алтай аймгуудад 570 нийт 1542 айлын орон сууцыг  түрээслэх шийдвэр гаргалаа. Буян-Ухаа хорооллын 972 айлын орон сууцыг Улаанбаатар хотын захиргаанд шилжүүлэх бөгөөд хотын захиргаа иргэдэд ямар журмаар, хэрхэн түрээслэхээ шийдэх юм.
Өнгөрсөн дөрөвдүгээр сарын 10 - наас 138-р тогтоолоор байр түрээслэж байгаа иргэд байраа өмчлөх эрхтэй болсон билээ. Тодруулбал орон сууцны түрээсийн орон сууцанд амьдарч байгаа иргэд 3-5 жилийн дотор сар бүр тодорхой хэмжээний төлбөр төлөөд, байрны төлбөрийн 30 хувийг бүрдүүлэн, цаашид ипотекийн зээлд хамрагдан байраа өмчлөх, мөн төлбөрийн чадамжтай иргэд урьдчилгаа 30 хувиа төлөөд байраа хувийн үл хөдлөх хөрөнгө болгох боломж бүрдэж байгаа юм.
 Улсын хэмжээнд орон сууц түрээслэх шаардлагатай 77 мянган айл өрх, найман хувийн зээлд хамрагдах боломжтой 42 мянган айл өрх байгаа юм. Тиймээс энэ эрэлтээс хамааран цаашид түрээсийн орон сууцыг нэмэгдүүлэхээр Засгийн газар ажиллаж байна.
 Түрээсийн орон сууцын ажлыг Төрийн орон сууцны корпораци /ТОСК/ хариуцаж байсан бол  одооноос эхлэн Нийслэлийн орон сууцны корпораци /НОСК/ руу шилжсэн байна. Тиймээс иргэд хэрхэн бүртгүүлэх, ямар материал бүрдүүлэх талаар НОСК - оос тодруулга авах боломжтой юм.

 

Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.