Барилга.мн сэтгүүлийн шинэ дугаар худалдаанд гарлаа

Барилга.мн сэтгүүлийн шинэ дугаар худалдаанд гарлаа

Бүтээн байгуулагчдынхаа дэргэд ямагт хамтдаа байж, бүтээж босгож, хийж хэрэгжүүлсэн ажил бүхнийх нь тухай нийтлэл, мэдээ мэдээллийг уншигчиддаа цаг алдалгүй хүргэхийн зэрэгцээ салбарын дотоод, гадаадын хөгжил дэвшил, техник технологийн гайхалтай нээлт, интерьер, архитектурын онцгой содон шийдлүүд, салбартаа тэргүүлэгчдийн үзэл бодол, өгөөжтэй ярилцлагуудыг нийтэлдэг “Барилга.МН” сэтгүүлийн 109 дахь дугаар уншигч таны гар дээр очлоо. Дугаар бүр дээрээ танд хэрэгтэй хөнгөлөлт урамшууллын ваучерыг бэлэглэж буй Барилга.мн сэтгүүлийн шинэ дугаарт…

 

Дугаарын зочин


Монгол Улс нэг хүнд ногдох газар нутгийн хэмжээгээр дэлхийд тэргүүлдэг атлаа хүн амын 67 хувь нь хот, суурин буюу агаар, ус, хөрс зэрэг орчны бохирдол ихтэй орчинд ажиллаж, амьдарч байна. Өнгөрсөн оны байдлаар зөвхөн Улаанбаатар хотод гэхэд нийт хүн амын 46 хувь төвлөрч, аж ахуйн нэгж, байгууллагуудын 70 орчим хувь нь байршдаг тухай статистик байдаг. Иймээс энэ бүх асуудлыг цогцоор нь шийдвэрлэх боломжтой тодруулбал, хүний ажиллаж, амьдрахад тохиромжтой орон зай, тааламжит орчинг газар нутгийн нөхцөл байдалтай уялдуулан тодорхойлох, улс орны нийгэм, эдийн засгийн хөгжил, дэвшилд нөлөөлөх байдлаар нутаг дэвсгэрийг зохион байгуулах үүрэгтэй “Хүн амын нутагшилт суурьшлын хөгжлийн ерөнхий төсөл” ямар явцтай байгаа, хийж хэрэгжүүлэхээр төлөвлөсөн ажлынх нь талаар Барилга, хот байгуулалтын яамны Хот байгуулалт, газрын харилцааны бодлогын хэрэгжилтийг зохицуулах газрын дарга Б.Гүнболдтой ярилцлаа.

 

“Амжилтын эзэд” булангаар юуг хөндөв…


Салбартаа тэргүүлэгч, манлайлагч эрхмүүдийг урьж, сонирхолтой яриа өрнүүлдэг “Амжилтын эзэд” дуэль ярилцлагын энэ удаагийн зочноор ТЭСО корпарацийн гүйцэтгэх захирал П.Лхагвадорж, “Жанжин - Өргөө” ХХК - ий захирал У.Батдэлгэр нар оролцлоо. П.Лхагвадорж захирал ХБНГУ - д боловсрол эзэмшсэн бөгөөд Монголын томоохон компаниудад маркетинг борлуулалтын чиглэлээр 10 гаруй жил ажилласан туршлагатай. Харин У.Батдэлгэр захирлын хувьд Барилгын дулаан хангамж, агаар сэлгэлтийн инженер мэргэжилтэй, Оюутолгой төслийн оргил бүтээн байгуулалтад гар бие оролцож байсан бөгөөд 2009 онд өөрийн компаниа байгуулан өнөөг хүртэл амжилттай ажиллаж байна. Монголын барилгын салбарт тулгамдсан асуудлын нэг болох агаар сэлгэлтийн системийг хэрхэн шийдэх, эко, байгальд орчинд ээлтэй орон сууц хэрхэн барих, шинэлэг, дэвшилтэт технологийг хэрхэн нэвтрүүлж байгаа тухай сонирхолтой ярилцлагыг эндээс уншаарай. Зөвхөн барилгын салбарынхан гэлтгүй энгийн иргэдэд ч мэдлэг, мэдээлэл өгсөн сонирхолтой ярилцлага юм.  

 

Амины орон сууцны төсөв бодох хялбар аргачлал


Иргэд амины орон сууц барихдаа тэр бүр төсвийн зардлыг хэрхэн тооцож гаргахаа мэддэггүй. Тэгвэл энэ булангаас та төсөв бодох дараалал, материалын зардлын тооцоо хийх аргачлал цаашилбал, механизм, тээврийн зардал, цалингийн зардал гэх мэт төсөв бодох аргачлалын талаарх хэрэгтэй   мэдлэгийг авах болно.

 

Судалгаа

Улаанбаатар хотын төвийн 6 дүүргийн хэмжээнд барилгын салбарт үйл ажиллагаа явуулж буй “Бичил, жижиг, дунд үйлдвэрлэл эрхлэгч буюу бригадууд” (цаашид БЖДҮЭ буюу бригад гэх)-ын ажлын туршлага, мэргэжлийн чадавхи, эдийн засгийн үзүүлэлт, ажиллах хүчний цогц мэдээллийг багтаасан сонирхолтой судалгааг энэхүү булангаас сонирхон уншаарай.

Барилгын салбарын бичил, жижиг, дунд бизнес эрхлэгчид болон бригад, хувь хүний мэдээллийн санг бүрдүүлэх, дүн шинжилгээг хийх зорилгоор МБҮА-ийн захиалгаар “Ногоон Санаачлага-Ирээдүйн Технологи” ТББ-аас энэхүү судалгааг хийсэн бөгөөд бригадуудын үндсэн гишүүдийн тоо, ажилласан туршлага, тэдэнд тохиолддог бэрхшээл, ажлын захиалга олдог хэлбэр гэх мэтчилэн өргөн хүрээг хамарсан судалгаа юм.

 

Дуулгах сонин


Хүүхэд бүр багаасаа хүнсний ногоо хэрэглэвэл биед сайн, өндөр болно гэдэг үгийг сонсож өсдөг. Тэгвэл хүнсний ногоо хүний эрүүл мэндэд сайнаар нөлөөлөөд зогсохгүй бетоны шинж чанарыг сайжруулах чадвартайг Ланчестерийн их сургуулийн эрдэмтэн судлаачид, ЦеллюКомп компанитай судалгааны ажил хамтран гүйцэтгэх явцдаа олж мэдсэн байна. Эдгээр эрдэмтэд хүнсний ногооноос хэрхэн бат бөхийн зэрэгцээ хөнгөн бөгөөд хатуу барилгын материал гарган авсан талаарх сонирхолтой мэдээллийг танд дуулгаж байна.

 

Шинэ орон сууцны үнэ ханш, зах зээл, захиалгын байдал


Улаанбаатар хотод өнөөдрийн байдлаар нийт 55.670 айлын 411 шинэ орон сууцны төсөл хэрэгжиж байгаа бөгөөд захиалга авч буй 32.953 айлын 264 төсөл байна. Үүнээс Баянзүрх дүүрэгт 11.115, Хан - Уул дүүрэгт 10.901, Баянгол дүүрэгт 4948, Сонгинохайрхан дүүрэгт 1686, Сүхбаатар дүүрэгт 2152, Налайхад 500, Чингэлтэй дүүрэгт 207 айлын орон сууц захиалга авч байна. Үүний зэрэгцээ дүүрэг тус бүрээр төрөлжүүлэн 2019 оны 5 дугаар сарын 28 -ны байдлаар гаргасан шинэ орон сууцны үнэ ханшны талаарх судалгааг эндээс олж мэдээрэй. Үүний зэрэгцээ цемент, тоосго, блок, арматур, бетон зуурмаг, төмөр хийц, төрөл бүрийн хавтан, тоосго блок, модон материал, хуурай хольц, цонх хаалга, элс хайрга, будаг эмульс гээд барилгын бүхий л материалын үнэ ханшийг мөн өдрийн байдлаар танилцуулж байна. Та бүхний ажилд судалгаа, тооцоо, төсвөө гаргахад тус болно гэдэгт бид бүрэн итгэлтэй байна.

 

Архитектур


Олон зууны туршид архитекторууд барилга байгууламжийн шинэлэг санааг бий болгон хүн төрөлхтөний амьдрах арга зам, хэв маягийг өөрчилсөөр ирсэн билээ. Иймээс энэ дугаартаа өөрийн гэсэн өвөрмөц, дахин давтагдашгүй онцгой загвар дизайн, гайхалтай архитектураар барилгын салбарт хувьсгал хийж, түүхийн хуудсыг шинээр нээсэн дэлхийн хамгийн алдартай 10 архитекторын талаарх мэдээллийг энэхүү булангаас уншаарай

 

Сэтгүүлээ захиалах бол энд дарна уу

 

"Барилга.МН" сэтгүүлийг "Номин" болон "Оргил" сүлжээ дэлгүүрийн салбарууд, номын дэлгүүрүүд, сонин сэтгүүл борлуулах цэгүүдээс худалдан аваарай.

                                                            Утас: 91000233, 77111777

Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.