ТЕНДЕРИЙН УРИЛГА: Барилгын хог хаягдалд суурилсан бүтээгдэхүүнд техник, эдийн засгийн судалгаа хийх

ТЕНДЕРИЙН УРИЛГА: Барилгын хог хаягдалд суурилсан бүтээгдэхүүнд техник, эдийн засгийн судалгаа хийх
Каритас Чех Репаблик ТББ нь Монголын Хог Хаягдлыг Дахин Боловсруулах Үндэсний Холбоо (МХХДБҮХ), Шинжлэх Ухаан Технологийн Их Сургууль (ШУТИС) болон Нидерландын Дельфтийн Технологийн Их Сургуультай (ДТИС) хамтран "Монгол Улсын барилгын салбарын нөөцийн үр ашигтай байдал, цэвэр үйлдвэрлэлийг дэмжих” төслийг Европын Холбоо, Чехийн Хөгжлийн Агентлагийн санхүүжилттэйгээр хэрэгжүүлж байна.

Төслийн ерөнхий зорилго нь барилгын салбарт үйл ажиллагаа явуулж буй ЖДҮ эрхлэгчдэд нөөцийн үр ашигтай байдлыг болон цэвэр үйлдвэрлэл, хэрэглээг үйл ажиллагаандаа нэвтрүүлэхэд нь дэмжлэг үзүүлэх замаар Монгол дахь ядуурал, уур амьсгалын өөрчлөлтийг бууруулахад хувь нэмэр оруулах юм. Барилгын салбар сүүлийн жилүүдэд хурдацтай өргөжин тэлж, барилгын бүх төрлийн бүтээгдэхүүний (бетон, металл г.м) эрэлт жил ирэх тусам нэмэгдэж байгаатай холбоотойгоор импортын барааны эрэлт хэрэгцээ нэмэгдсээр байна. Одоогийн байдлаар барилгын материалын 50 гаруй хувийг импортоор оруулж ирдэг ба дотоодын бүтээгдэхүүнүүдийн үнэ ханш өндөр байна. Үүнтэй зэрэгцэн барилгын салбар дахь судалгаа шинжилгээ, хөгжил, шинэчлэл, чанарын хяналт, журам, стандартын хөгжил дэвшил дутмаг байгаа нь дахин боловсруулсан барилгын бүтээгдэхүүн гаргах, барилгын хог хаягдлын менежментийг сайжруулахад саад учруулж байна.

Дээрх төслийн хүрээнд хүрэх гол үр дүнгүүдийн нэг нь барилгын хог хаягдлыг дахин боловсруулсан бүтээгдэхүүн гарган авч, ашиглах явдал юм. Төслийн хүрээнд ШУТИС дээр байгуулагдсан судалгааны баг барилгын хог хаягдалд суурилсан бүтээгдэхүүнийг турших, стандарт боловсруулах ажлыг гүйцэтгэж байна. Үүнтэй холбоотойгоор тус бүтээгдэхүүний эдийн засгийн үндэслэлийг судлах, бүтээгдэхүүн нь Монголын зах зээл дээр арилжааны бүтээгдэхүүн болох чадамжийг судлах судалгааны ажлыг эхлүүлэх гэж байна.

СУДАЛГААНЫ ЗОРИЛГО: 
Судалгааны ажлын гол зорилго нь барилгын хог хаягдлыг дахин боловсруулан үйлдвэрлэсэн бүтээгдэхүүний эдийн засгийн боломж, үр ашигтай байдал, арилжаанд нэвтрүүлэхэд тулгарах саад бэрхшээл болон үүний техникийн ба чанарын өрсөлдөх чадварыг баталгаажуулах юм. Тус бүтээгдэхүүний өртөг, ашиг орлогыг судалсан эцсийн үндэслэл дээр үндэслэн уг бүтээгдэхүүнийг үйлдвэрлэх болон дотоодын зах зээл дээр гаргах боломжтой эсэхийг судална. Судалгааны үр дүнг барилгын салбарын ЖДҮ болон төслийн гол оролцогч талуудад түгээх болно.


ТАВИГДАХ ШААРДЛАГА:
  • Эдийн засаг, маркетинг, бизнесийн чиглэлээр 5-аас доошгүй жилийн ажлын туршлагатай;
  • Техникийн болон эдийн засгийн судалгаа хийж байсан туршлагатай (барилгын салбартбол давуу тал болно);
  • Барилгын салбар дахь мэдлэг, туршлага, ялангуяа барилгын материалын үйлдвэрлэлийн талаар ойлголттой байх;
  • Европын Холбоо болон бусад олон улсын санхүүжилттэй төслийн хүрээнд судалгааны ажил хийж байсан бол давуу тал болно;
  • Эдийн засгийн болон академик мэдлэг, мэдээлэлтэй;
  • Мэргэжлийн, санаачлагатай, уян хатан, найдвартай, хариуцлагатай байх

ШААРДЛАГАТАЙ МАТЕРИАЛУУД:
  • Техник эдийн засгийн үндэслэлийн судалгааг хийх ажлын төлөвлөгөө, үүнд хийх үйл ажиллагаа бүрийн тайлбар болон судалгаа хийх судалгааны аргачлалыг оруулах;
  • Мэргэжил, чадавхи, туршлагыг нотлох нэмэлт баримтууд;
  • Судалгаанд хамрагдах мэргэжилтэн бүрийн шаардлагатай мэдлэг чадварыг харуулсан CV;
  • Эдийн засгийн судалгааг хийх төсөв;
  • Байгууллагын бүртгэлийн гэрчилгээний нотариатаар батлуулсан хуулбар;
  • Байгууллагын танилцуулга;
  • Хийж гүйцэтгэсэн судалгааны ажил эсвэл ижил төстэй ажлын гүйцэтгэлийн талаарх өмнөх ажил олгогчоос санал болгосон захидал

Дээрх шаардлагуудыг хангасан материалуудыг 6-р сарын 10-ны дотор
ccr.mongolia.office@caritas.cs имэйл хаяггаар ирүүлнэ үү.
Тендерийн материалыг Англи эсвэл Монгол хэлний аль алинаар нь хүлээн авна.
Тендерийн талаарх нэмэлт мэдээлэл авахыг хүсвэл 976-70135899 утсаар холбогдоно уу.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.