Балконоо цэцэрлэгжүүлэх шийдлүүдээс

Балконоо цэцэрлэгжүүлэх шийдлүүдээс

Сүүлийн үед орон сууцны тагтаа /балкон/ янз бүрээр тохижуулан ашиглах болжээ. Ажлын өрөө, амралтын өрөө, ногоон байгууламж бүхий бяцхан цэцэрлэг гэх мэт. Тиймээс урин дулаан цаг болж байгаатай холбогдуулан тагтаа цэцэрлэгжүүлж, тав тухтай амарч эко орчныг бүрдүүлэх бүрэн боломжтой юм. Дараах шийдлүүдээс санаа аваад тохижуулаарай.

 

Тохирсон тавилга сонгох

 

Кофе уунгаа ном уншаад чимээгүйхэн суух таатай орчинг бүрдүүлэхийн тулд жижиг сандал, ширээ хэрэгтэй. Эсвэл тохирсон буйдан, дүүжин сандал байсан ч болох юм. Мөн ном, сэтгүүлээ тавих тавиур, ханандаа жижиг шүүгээ тогтоож болно. Харин балконы шалыг тухайн тавилгуудтайгаа зохицсон дэвсгэр, паркет эсвэл цэцэрлэгжүүлэлттэй тохирсон хиймэл ногоон зүлэг, хөлөнд массаж хийх чулуутай эко орчныг ч бүрдүүлж болох юм.


Цэцэг болон ургамлууд нь дулаан, таатай орчныг бүрдүүлдэг

 

Цэцэг, ногоон ургамлууд нь бие болоод сэтгэлийн эрүүл мэндэд олон талын ач холбогдолтой. Тиймээс өөрийн дуртай цэцэг, ногоон ургамлуудаа тарьж, таатай орчин бүрдүүлээрэй. Хамгийн гол нь элдэв цэцгээр хээ гарган, өнгийг хослуулан тавих хэрэгтэй. Зөвхөн цэцэг гэлтгүй мандирин, нимбэг, гүзээлзгэнэ гэх мэт анхилуун үнэртэй, амтлаг жимснүүд ч тарьж болно. Мөн яншуй, укроп, розмарин, орегано зэрэг хүнсний амтлагч ногоог ч ургуулж болох юм.


Илүү тухтай болгохын тулд...

 

Тав тухтай амрах орчин бүрдүүлэх гэж байгаа бол буйдан болон сандал дээрээ хөвсгөр дэр тавихад л хангалттай. Мөн оройн цагаар янз бүрийн гэрэл ашиглан тансаг орчин бүрдүүлэхийг зөвлөж байна. Жишээлбэл, дэн, шинэ жилийн гоёмсог гэрэл, лаа гэх мэт.

 
Доорхи шийдлүүдээс санаа аваарай





















































Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.