Барилгын салбарт 1.9 их наяд төгрөгийн ажил хийгдэнэ

Барилгын салбарт 1.9 их наяд төгрөгийн ажил хийгдэнэ


Улсын төсвийн хөрөнгө оруулалтаар барилгын салбарт энэ жил нийт 989 төсөл арга хэмжээнд 1.9 их наяд төгрөгийн ажил хийгдэнэ. Харин Барилга, хот байгуулалтын яамнаас өнөөдрийн байдлаар улсын хэмжээнд нийт 1.7 их наяд төгрөгийн төсөвт өртөгтэй 9 төсөл хэрэгжиж байна. Тухайлбал БНХАУ-ын хөнгөлөлттэй зээлээр санхүүжүүлж буй “Төв цэвэрлэх байгууламж”-ийн төсөл, 2021 онд дуусгах Австри Улсын хөнгөлөлттэй зээлээр санхүүжүүлэх “Тайшир-Алтай усан хангамжийн төсөл”, БНХАУ-ын буцалтгүй тусламжийн хүрээнд “Гэр хорооллыг дахин төлөвлөх төсөл”, "Улаанбаатар хотын Сүхбаатар дүүргийн 9 дүгээр хороонд хэрэгжих “1008 айлын орон сууцны" төслүүд зэрэг юм.
Энэ жилийн хувьд 4.5 их наяд төгрөгийн 7 төсөл арга хэмжээг хэрэгжүүлэхээр төлөвлөн ажиллаж байгаа аж. Жишээлбэл, “Агаар орчны бохирдлыг бууруулах төсөл”-ийн хүрээнд БНСУ-ын хөнгөлөлттэй зээлээр буюу 500 сая ам.доллараар орон сууц барихаар ТЭЗҮ хийгдэж байна. Түүнчлэн “Аймаг, сумын төвийн бүсчилсэн хөгжлийн хөрөнгө оруулалтын хөтөлбөр”-ийг Азийн хөгжлийн банкны хөнгөлөлттэй зээлийн санхүүжилтээр 2018-2031 оны хооронд Баян-Өлгий, Ховд, Увс, Дорнод аймгуудад хэрэгжүүлэх юм байна. Цаашид ч хэрэгжүүлэхээр төлөвлөж байгаа 7.1 их наяд төгрөгийн төсөл, арга хэмжээ байгаа аж. 

 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.