Барилга, орон сууц, нийтийн аж ахуйн салбарын хамтын хэлэлцээрийг байгууллаа

Барилга, орон сууц, нийтийн аж ахуйн салбарын хамтын хэлэлцээрийг байгууллаа

Барилга, хот байгуулалтын сайд Х.Баделхан барилга, нийтийн аж ахуйн салбарын ажил олгогч, үйлдвэрчний эвлэлийн байгууллагын төлөөлөлтэй  “Барилгын салбарын 2019-2020 оны хамтын хэлэлцээр” болон “Орон сууц, нийтийн аж ахуйн салбарын 2019-2020 оны хамтын хэлэлцээр”-ийг байгуулж, гарын үсэг зурсан байна.



Хөдөлмөрийн тухай хуулийн 19 дүгээр зүйлийн 19.1.2, 20 дугаар зүйлийн 20.4.2 дахь заалт, Хөдөлмөр, нийгмийн зөвшлийн гурван талт 2019-2020 оны улсын хэлэлцээрийг үндэслэн “Барилгын салбарын хамтын хэлэлцээр” болон “Орон сууц, нийтийн аж ахуйн салбарын хамтын хэлэлцээр”-ийг жил бүр байгуулан, үр дүнг хэлэлцдэг. 
Уг хамтын хэлэлцээрт хууль дүрмийн хэрэгжилтийн хүрээнд барилга, нийтийн аж ахуйн салбарын ААН-үүдийн үйл ажиллагааг дэмжих, барилгын чанарт хэрхэн хяналт тавих, салбарын нийт ажилтнуудын  хөдөлмөрийн хөлсний доод хэмжээг тогтоох, хөдөлмөрийн аюулгүй байдлыг хангах, нийгмийн асуудлыг шийдвэрлэх чиглэлийг тусгасан юм. 
Барилгын салбарын 2019-2020 оны хамтын хэлэлцээр нь 7 бүлэг, 49 заалт, Орон сууц, нийтийн аж ахуйн салбарын 2019-2020 оны хамтын хэлэлцээр нь 7 бүлэг, 32 заалттай. Барилга, орон сууц, нийтийн салбаруудын хамтын хэлэлцээрийг 2019-2020 онд хэрэгжүүлэх нэгдсэн төлөвлөгөөг боловсруулж, биелэлтийг ханган ажиллах юм байна. 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.