Баруун таван аймгийн хэрэглээг бүрэн хангах цементийн үйлдвэр баригдаж байна

Баруун таван аймгийн хэрэглээг бүрэн хангах цементийн үйлдвэр баригдаж байна

Ховд аймгийн Буянт суманд “Ховд эко цемент“-ийн үйлдвэрийг барьж эхэллээ. Энэхүү үйлдвэр нь жилд 300 мянган тн цемент үйлдвэрлэж, баруун бүсийн цементийн хэрэглээг 100 хувь ханган ажиллах юм.



“Ховд эко цемент”-ийн үйлдвэр ирэх онд ашиглалтад орох бөгөөд нэг тн цементийн өртгийг 150 мянган орчим төгрөг буюу Улаанбаатар хотын үнэ ханштай дүйцүүлэх юм. Үүний үр дүнд баруун аймгуудад орон сууцны нэг ам.метр талбайн үнэ 30-40 хувь хямдарч, 800 орчим мянган төгрөг болж, үнэ нь тогтворжино гэсэн тооцоог барилгачид гаргажээ. Өнөөдрийн байдлаар баруун таван аймгийн нэг жилийн цементийн хэрэглээ 220 мянган тн байгаа бөгөөд Улаанбаатарт худалдаалж буй цементийн үнээс хоёр дахин өндөр буюу нэг тн цементийн үнэ 300 орчим мянган төгрөг байгаа юм. “Ховд эко цемент”-ийн үйлдвэрийн барилгын ажилд орон нутгаас 100 гаруй хүн ажиллаж байгаа бол үйлдвэр ашиглалтад орсноор 250 хүн тогтмол ажлын байртай болох юм. Мөн тээвэрлэлтээс гэхэд жилдээ 43 тэрбум төгрөг хэмнэх тооцоо, судалгаа гарсан байна.





 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.