ХАБЭА – н ажилтнууд амжилттай бэлтгэгдлээ

ХАБЭА – н ажилтнууд амжилттай бэлтгэгдлээ

Барилгын сургалт, хөгжлийн академи /БСХА/ - аас зохион байгуулж буй хөдөлмөрийн аюулгүй байдал, эрүүл ахуйн асуудал хариуцсан ажилтны 5 өдөр, 40 цагийн сургалт тавдугаар сарын 6-10-ны хооронд  амжилттай зохион байгуулагдлаа. Сургалтанд барилгын болон бусад салбарт ажиллаж байгаа инженер техникийн 20 гаруй ажилтан хамрагдсан байна.


Сургалтын хөтөлбөрт ХАБЭА-н хууль, дүрэм журам, стандартын танилцуулга, хөдөлмөрийн нөхцлийг сайжруулах арга хэмжээ, үйлдвэрлэлийн осол түүнээс урьдчилан сэргийлэх, галын болон цахилгааны аюулгүй байдал зэрэг онолын мэдлэг олгох сэдвүүдээс гадна эрсдлийн үнэлгээ хийх, эмнэлгийн анхан шатны тусламж үзүүлэх дадлага хийгдсэн байна. Хичээлүүдийг ХАБЭА-н сургагч багш нар, Монгол Улсын зөвлөх болон мэргэшсэн инженерүүд заасан юм.  Тиймээс сургалтыг төгссөн суралцагчид өөрсдийн байгууллагадаа очоод ХАБЭА-н мэргэжилтнээр ажиллах бүрэн мэдлэг, бололцоотой болж чадсан юм.



Сургалтад хамрагдсан суралцагчид Хөдөлмөр нийгмийн хамгааллын яам, Хөдөлмөрийн аюулгүй байдал, эрүүл мэндийн төвийн албан ёсны 2 жилийн хүчинтэй гэрчилгээ гардан авах юм. Мөн тус академиас ажил олгогч эздийн сургалт, нийт ажилтны сургалтыг зохион байгуулдаг ба аж ахуйн нэгж байгууллагын захиалгаар ХАБЭА-н сургалтыг үйлдвэрлэлийн талбай дээр явуулах, эрсдлийн үнэлгээ хийх, дүрэм журам боловсруулах чиглэлээр мэргэжлийн зөвлөгөө өгч ажиллаж байна.

Дараагийн сургалт 05.27-31 - ны хооронд болох бөгөөд бүртгэл явагдаж байна. 

 

Утас: 9999-5681, 7011-3333

Хаяг: УБ хот, БЗД 6-р хороо, 13 хороолол, BARILGA.MN оффис, 3 давхар, 305 тоот Барилгын сургалт хөгжлийн академи.

 

Бүртгүүлэх


 

 
Эх сурвалж: Barilga.mn

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Бат-Очир 13 өдрийн өмнө 64.119.21.14

    БСХА-н хамт олондоо баярлалаа. Сургалтын агуулга, орчин, багш нарын ур чадвар, зохион байгуулалт маш сайн байсан.