“Barilga Expo 2019” - ийн шилдгүүд тодорлоо

“Barilga Expo 2019” - ийн шилдгүүд тодорлоо

Жил бүр уламжлал болгон зохион байгуулагддаг хаврын “Barilga Expo 2019” олон улсын үзэсгэлэн, яармаг оролцогч, үзэгчээр дүүрэн өргөн дэлгэр болж өндөрлөлөө. “Барилгын материал”, “Орон сууц, хаус дизайн” гэсэн хоёр хэсгээс бүрдсэн тус үзэсгэлэн, яармагт нийт 220 гаруй компани, аж ахуй нэгж байгууллага оролцсон бөгөөд шилдгүүдээ  шалгаруулах хүндэтгэлийн арга хэмжээ “Сөүл” ресторанд өчигдөр боллоо.

 

Ёслолын арга хэмжээнд Барилга хот байгуулалтын яамны газрын дарга Л.Батжаргал, Б.Гүнболд,  “Барилга экспо” олон улсын үзэсгэлэн, яармагийг зохион байгуулах хорооны дарга, “Барилга.МН” ХХК - ий ерөнхий захирал Г.Батсүх, МБМҮХ - ны гүйцэтгэх захирал О.Лхагвадорж, БХҮНТ - ийн удирдах зөвлөлийн дарга Г.Мягмар болон “Barilga Expo 2019” үзэсгэлэнд оролцсон компани, аж ахуй нэгж байгууллагуудын төлөөлөл оролцсон юм.











 

 

Энэ жилийн “Шилдэг оролцогч” - оор сантехникийн холбох хэрэгсэл, PVC хоолой, ган хэвлэмэл радиаторыг нийлүүлэгч “Чин овоо” ХХК, “Шилдэг үйлдвэрлэгч” - ээр полуритан, политстрол сэндвичийг Монголдоо үйлдвэрлэж байгаа  “ДБ Панел Систем” ХХК ,”Шилдэг шинэ технологи нэвтрүүлэгч” - ээр “шанаган зуух”, “цахилгаан соронзон холигч” - ийн технологийг нэвтрүүлсэн “Дарханы Төмөрлөгийн Үйлдвэр” ХХК, “Шилдэг ханган нийлүүлэгч” - ээр бүх төрлийн автомат хаалгануудыг нийлүүлдэг “Пазл Хаус” ХХК, “Шилдэг төсөл, хөтөлбөр хэрэгжүүлэгч” - ээр Содон стандарт цогцолбор хороолол, Sky Garden residence төслөөр үзэсгэлэнд оролцсон “Тэсо Пропертис” ХХК, “Шилдэг шинэ орон сууц” - аар 30 жилийн туршлагатай, 100 хувь дотоодын хөрөнгө оруулалттай “Жигүүр гранд групп”  - ийн “Park view” хотхон, “Шилдэг бүтээгдэхүүн” - ээр галд шатдаггүй хөөсөнцөр хавтангаараа “Пирамид Индастри” ХХК тус тус шалгарлаа.




Шилдэг оролцогч “Чин овоо” ХХК

 

“Чин овоо” ХХК нь ОХУ, Польш, Турк, Итали, Солонгос зэрэг орнуудын хамгийн сайн чанарын сантехникийн холбох хэрэгсэл, PVC хоолой, ган хэвлэмэл радиаторыг барилгын салбар, худалдан авагчдад бэлтгэн нийлүүлж ирсэн бөгөөд өдгөө харилцагч, худалдан авагч нарынхаа итгэлтэй түнш болсон компани юм.



 

Шилдэг ханган нийлүүлэгч “Пазл Хаус” ХХК

 

Монгол орныхоо эрэлт хэрэгцээнд тулгуурлан Европын холбооны улс болон ОХУ - аас Doorhan, Alutech, FAAC, Ryterna, Buldoors, Legran брэндүүдийн бүх төрлийн автомат хаалгануудыг нийлүүлэхийн зэрэгцээ угсралт суурилуулалтыг үйлдвэрлэгчээс тогтоосон стандартын дагуу мэргэжлийн өндөр түвшинд гүйцэтгэж байна.




 

Шилдэг үйлдвэрлэгч “ДБ Панел Систем” ХХК

 

“ДБ Панел Систем” ХХК нь  импортын бүтээгдэхүүнтэй дүйцэхүйц чанар, стандарт бүхий полуритан, политстрол сэндвичийг Монголдоо үйлдвэрлэж байгаа үндэсний шилдэг үйлдвэрлэгчдийн нэг юм. Эдгээр хавтангууд нь дулаан алдагдал хамгийн бага, угсрахад хурдан, өнгө үзэмжтэй, эрчим хүчинд хэмнэлттэй эко бүтээгдэхүүн гэдгээрээ онцлогтой билээ.




 

Шилдэг шинэ технологи нэвтрүүлэгч Дарханы Төмөрлөгийн Үйлдвэр

 

Он удаан жилийн түүхтэй “Дарханы Төмөрлөгийн Үйлдвэр” ХХК нь 2018 онд  шанаган зуухны шинэ технологийг ашиглалтад оруулж, өнгөрсөн дөрөвдүгээр сард “цахилгаан соронзон холигч” - ийн технологийг нэвтрүүлээд байна. Эдгээр шинэ технологиуд нэвтэрснээр сайн чанарын ган хайлж, цутгаж, бүтээгдэхүүний нэр төрөл болон хөдөлмөрийн бүтээмжийг нэмэгдүүлсэн байна.


Шилдэг шинэ орон сууц “Жигүүр гранд групп”  
 

30 жилийн туршлагатай, 100% дотоодын хөрөнгө оруулалттай “Жигүүр гранд групп”- ийн “Park view” хотхон нь “Ү̄ндэсний цэцэрлэгт хүрээлэн”-ийн чанх хойно байрлалтай, нийт 8 блок, 560 айлын томоохон цогцолбор хороолол юм. 350 автомашины зогсоол, ногоон байгууламж, хүүхдийн тоглоомын талбайг шийдэж өгсөнөөс гадна  хотхоныхоо урд 6 давхар бүхий худалдаа үйлчилгээний төв барьж байгаа нь нийт оршин суугч, тухайн нутаг дэвсгэрт амьдарч байгаа хүмүүсийн хэрэгцээ шаардлагыг хангаад байна.



 

Шилдэг бүтээгдэхүүн - "Пирамид Индастри" ХХК

 

"Пирамид Индастри" ХХК нь олон улсад хүлээн зөвшөөрөгдсөн, галын зэрэглэлээрээ Ш1 ангиллын галд шатдаггүй хөөсөнцөр хавтан үйлдвэрлэж, үндэсний шилдэг үйлдвэрлэгчдийн нэг гэдгээ харуулж чадлаа. Тэд 2018 онд хуурай хольцын үйлдвэрээ ашиглалтад оруулсанаар өмнө нь импортоор оруулж ирдэг байсан бүтээгдэхүүний үнийг 30% - иар бууруулж чадсан туршлагатай, чадварлаг хамт олон юм.



 

Шилдэг төсөл, хөтөлбөр хэрэгжүүлэгч "Тэсо Пропертис" ХХК

 

"Тэсо Пропертис" ХХК нь 2012 оноос эхлэн хүн төвтэй төлөвлөлт бүхий төслүүдийг санаачлан хэрэгжүүлэн ажиллаж байгаа юм. Тус компани салбартаа стандарт хорооллын жишиг тогтоон Содон стандарт цогцолбор хороолол төслийг санаачлан хэрэгжүүлж, өндөр зэрэглэлийн хотхонуудын дунд шинэлэг шийдэл бүхий Kids first уриатай “Sky Garden residence” төслийг хөгжүүлж хэрэгжүүлэлтийн шатанд ажиллаж байгаа аж. Мөн хаус хорооллын дунд захиалагч нартаа өгөөжтэй шинэлэг шийдлийг бий болгож Family first уриатай “Palm springs” төслийг хөгжүүлж байгаа юм. 

 

 

Холбоотой мэдээ