Барилгын хог хаягдлын менежмент, дахин боловсруулалтын чиглэлээр техник туслалцааны төсөл хэрэгжүүлнэ

Барилгын хог хаягдлын менежмент, дахин боловсруулалтын чиглэлээр техник туслалцааны төсөл хэрэгжүүлнэ

Монгол Улсын Барилга, хот байгуулалтын яам болон Бүгд Найрамдах Чех Улсын “Каритас Чех Репаблик” олон улсын байгууллагын хооронд Европын холбоо, Чехийн хөгжлийн агентлагийн дэмжлэгтэйгээр “Монгол Улсын барилгын салбарын нөөцийн үр ашигтай байдал, цэвэр үйлдвэрлэлийг дэмжих төсөл”-ийг хамтран хэрэгжүүлэхээр дөрөвдүгээр сарын 12-ны өдөр санамж бичиг байгууллаа.  Санамж бичигт Барилга, хот байгуулалтын яамыг төлөөлж Төрийн нарийн нарийн бичгийн дарга С.Магнайсүрэн, “Каритас Чех Репаблик” олон улсын байгууллагыг төлөөлж Монгол дахь Суурин төлөөлөгч Яна Зилкова нар гарын үсэг зурсан юм. 

Талууд санамж бичгийн хүрээнд дараах үндсэн чиглэлд хамтран ажиллана

-Барилгын хог хаягдлын өнөөгийн байдалд судалгаа,  дүн шинжилгээ хийн  хог хаягдлыг дахин боловсруулж үйлдвэрлэх бүтээгдэхүүний туршилт хийх

-Холбогдох хууль, тогтоомжийг шинэчлэн сайжруулах, боловсруулан батлуулахад хамтран ажиллах

-Үйлдвэрлэгчид, олон нийт, бүх холбогдох талуудад барилгын хог хаягдлыг дахин боловсруулж үйлдвэрлэсэн бүтээгдэхүүн,  хог хаягдлын менежмент, холбогдох хууль эрх зүйн орчныг таниулах, энэ талын ойлголт, мэдлэгийг дээшлүүлэх, бүтээгдэхүүнийг үйлдвэрлэлд нэвтрүүлэх чиглэлд хамтран ажиллах юм.

Талууд цаашид  үйл ажиллагааны хамтарсан төлөвлөгөө гаргаж, ажил бүрийг холбогдох газар, хэлтсүүдэд хариуцуулан хэрэгжүүлэхээр тохиролцлоо.

Эх сурвалж: Барилга, хот байгуулалтын яам

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.