“Орлогод нийцсэн орон сууц” төслийн хүрээнд 768 айлын орон сууц баригдаж эхэллээ

“Орлогод нийцсэн орон сууц” төслийн хүрээнд 768 айлын орон сууц баригдаж эхэллээ

Буянт-Ухаа спорт цогцолбор орчим хэрэгжүүлэх 768 айлын “Орлогод нийцсэн орон сууц” - ны  шав тавих ёслол боллоо. Зах зээлийн үнээр орон сууц худалдан авах боломжгүй иргэдэд зориулсан энэхүү хотхон нь 12 давхар 6 блок орон сууцтай 120 хүүхдийн цэцэрлэг, 180 хүүхдийн бага сургуультай байхаар төлөвлөөд байна. Төслийг “Нийслэлийн орон сууцны корпараци” хариуцан ажиллах бөгөөд хот өөрсдөө хөрөнгө оруулалт хийн, газрын асуудлыг шийдвэрлэж, инженерийн шугам сүлжээ, дэд бүтцийн асуудлыг зохицуулах юм.
 

Энэхүү төслийн 15 хувийг нийслэлийн түрээсийн орон сууцны санд шилжүүлж, 55 хувийг түрээслээд өмчлөх хэлбэрээр иргэдэд олгох бол, үлдсэн 30 хувийг зах зээлд шууд борлуулахаар төлөвлөжээ. Уг төсөл нь түрээсийн хэлбэрээр болон хямд үнээр иргэдэд нийлүүлэхийн зэрэгцээ улс, нийслэлийн төсөвт ачаалал болгохгүйгээр газраараа хөрөнгө оруулалт хийж, хувийн хэвшил, аж ахуйн нэгжтэй хамтран хэрэгжүүлж байгаагаараа онцлогтой юм. Орлогод нийцсэн орон сууцны үнийг м.кв-ыг нь 1 сая төгрөгөөс хэтрүүлэхгүй байхаар төлөвлөж байна.

"Нийслэлийн орон сууны корпориаци"-аас "Орлогод нийцсэн орон сууц" төслийн хүрээнд нийт 8 байршилд орон сууцны хотхон хорооллыг байгуулах юм.

 

Эх сурвалж: Barilga.mn

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Б. Дун-Эрдэнэ 2019-05-09 10:49 202.179.27.61

    Хаана хаана баригдаж хэзээ ашиглалтанд орох юм болоо мкв -ийн үнэ 1 саяаас дээш гарахгүй гэхээр боломжийн үнэтэй цалингаараа амидардаг иргэдэд тохирсон сайхан арга хэмжээ байнаа үнэхээр талархаж бна