Түрээсийн орон сууцаа өмчлөх боломжтой боллоо

Түрээсийн орон сууцаа өмчлөх боломжтой боллоо

Засгийн газрын өнөөдрийн хуралдаанаар түрээсийн орон сууцыг өмчлөх журмыг баталлаа. Журамд түрээсийн орон сууцанд амьдарч байгаа иргэд 3-5 жилийн дотор сар бүр тодорхой хэмжээний төлбөр төлөөд, байрны төлбөрийн 30 хувийг бүрдүүлэн, цаашид ипотекийн зээлд хамрагдан байраа өмчлөх, мөн төлбөрийн чадамжтай иргэд урьдчилгаа 30 хувиа төлөөд байраа хувийн үл хөдлөх хөрөнгө болгох боломж бүрдэж байгаа юм.

 

Журам өнөөдрөөс эхлэн хэрэгжиж эхлэх бөгөөд өмнө нь төлсөн түрээсийн төлбөрийг оролцуулахгүйгээр шинэ гэрээ байгуулж, гэрээний дагуу үргэлжлэх юм байна. Энэхүү журам нь улсын хэмжээнд түрээсийн орон сууцанд амьдарч байгаа 1512 өрхөд хамааралтай байх юм. Харин ирэх 6 дугаар сард ашиглалтад орох “Буянт-Ухаа 2" хорооллын 972 орон сууцны барилгыг 100 хувь түрээслэх саналтай байгаа бөгөөд түрээслэх шийдвэр гарсны дараа журмыг гаргах юм байна. Түрээсийн байраа өмчлөх хүсэлтэй иргэд хүсэлтээ Төрийн орон сууцны корпорацид хүргүүлж, гэрээ байгуулах шаардлагатай юм.

 

Цаашид түрээсийн орон сууцыг нэмэгдүүлэх боломж бага байгаа ч гадаадын зээл, тусламжаар барих асуудлыг судалж байгаа аж. Одоогийн байдлаар Дэнжийн 1000-д БНХАУ-ын буцалтгүй тусламжаар 1080 айлын орон сууцыг барьж, 2020 онд  ашиглалтад оруулахаар төлөвлөж байгаа юм байна. Мөн БНСУ-ын 500 сая ам.долларын хөнгөлөлттэй зээлээр “Солонго 1”, “Солонго 2” түрээсийн орон сууцыг барих болсон билээ.

Эх сурвалж: Barilga.mn

Сэтгэгдэл (3)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    G.demberelmee 2019-04-10 17:07 202.179.4.230

    Yaj burtguuleh be
    Tungalagtuya 2019-04-10 19:38 66.181.161.63

    Yamar bichig barimt burduuleh be..
    Г.Чулуунцэцэг 2019-04-13 18:03 203.91.115.41

    Яаж бүргүүлэх вэ хаягаар тодорхой мэдээлэл авах боломжтой юу?