Залуу инженерүүд "ЛИРА САПР" программаар өрсөлдлөө

Залуу инженерүүд
Дөрвөн жилд нэг удаа залуу инженерүүдийн дунд зохион байгуулагддаг барилгын бүтээцийн тооцооны "Лира САПР программ" - ын уралдаан амжилттай зохион байгуулагдлаа. Уг тэмцээнд нийт 14 конструктор инженерүүд оролцож, Лира САПР программыг хэрхэн эзэмшсэн ур чадвараараа өрсөлдсөн юм. Тэмцээний тэргүүн байрын эзнээр "Марс констракшн" ХХК-ийн ахлах инженер Б.Ганбаяр, удаах байранд "Татбос" ХХК-ийн инженер М.Зандаръяа, гуравдугаар байранд "Хаус констракшн" ХХК-ийн инженер Ч.Содбилэг нар шалгарчээ.



Монголын барилгын конструктор инженер, тэр дундаа залуу инженерүүдийн ур чадварыг дээшлүүлэх зорилготой энэхүү тэмцээн нь 2011, 2015 онд зохион байгуулагдаж байсан бөгөөд  жилээс жилд инженерүүдийн ур чадвар улам сайжирч байгаа нь харагдаж байна. Манай улсын барилгын зураг төслийн байгууллагууд 1980 оны сүүл үеэс эхлэн зураг төсөл, хайгуулын ажилдаа компьютерийн программ хангамжуудыг ашиглаж эхэлсэн байдаг бөгөөд одоогийн байдлаар нийт 100 орчим зураг төслийн компани албан ёсны эрх бүхий барилгын тооцооны Лира программ хэрэглэж байна.

Тэмцээнийг Барилга, хот байгуулалтын яам, Барилгын хөгжлийн төв, Монголын барилгын зураг төсөл зохиогчдын холбоо, Монголын барилгын инженерүүдийн холбоо, зураг төслийн "Бьюлдингс Текноложи" ХХК хамтран зохион байгуулсан байна.
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.