2019/2020 оны оффисын чиг хандлага

2019/2020 оны оффисын чиг хандлага

Албан тасалгааны тохижилт нь тухайн байгууллагын нүүр царайг илэрхийлдэг төдийгүй тохилог , таатай орчинд хүн илүү амжилттай ажилладаг нь туршлагаар батлагдсан байдаг. Тиймээс оффисын өрөөгөө тохижуулах болон дахин засварлахдаа тохилог, таатай орчныг бүрдүүлэхэд илүү анхаарах хэрэгтэй. Үүнд агааржуулалт, тавилгын нийцэл, өнгөний шийдэл болон өрөөний интерьер, дизайны зураг төсөл, загварын шийдлийг  сайн төлөвлөж , мэргэжлийн хүмүүсийн тусламжийг авах нь илүү цаг хугацаа хэмнэдэг. 2019-2020 оны интерьерын чиг хандлага нь царс мод, байгалийн гантиг чулуу, ногоон цэцэрлэгжүүлэлт гэх мэт хүмүүсд байгалийн мэдрэмжийг илүү төрүүлэх, эрүүл мэндэд ээлтэй эко орчинг бүрдүүлэхэд оршиж байна. Таны оффисын тохижилтийг бүрдүүлэх хамгийн чухал интерьерын шийдлүүдээс хүргэж байна.

 

Дэвшилтэт технологийг интерьертэй хослуулах

 

Гар утас, компютер, таблет гэх мэт технологиуд улам ухаалаг болж, ажлыг хөнгөвчилж, илүү хялбар болгосоор байна. Судалгаагаар ажилчдын 80% нь ажлаа хийхдээ ямар нэгэн технологи ашигладаг гэсэн дүгнэлт гаржээ. Тиймээс оффисууд шинэ технологи, багаж хэрэгслүүдийг тавилга, хана зэрэгтээ суурьлуулах шаардлага тулгарч байгаа бөгөөд оффисоо тохижуулахдаа интерьертээ хэрхэн зохицуулах вэ гэдгээ бодолцох хэрэгтэй болж байна. Дэлхийн өнцөг булан бүрээс холбогдон хурал зөвлөгөөн хийхдээ нэг орчинд хамт сууж байгаа мэт мэдрэмж төрүүлхүйц ухаалаг дэлгэж, ширээнд суурьлагдсан компютер гэх мэт.


 

Байгалийн гаралтай материал ашиглах хэрэгтэй

 

Эрүүл мэндэд эерэг нөлөөтэй, эко орчинг бүрдүүлэхээс гадна байгалийн мэдрэмжийг төрүүлэхийн тулд гантиг чулуу, царс модыг ашиглахыг зөвлөж байна. Сэтгэл судлалын нэгэн сэтгүүлийн судалгаагаар байгалийн орчин бүрдүүлэх нь ажлын бүтээмжийг 40% - иар нэмэгдүүлж, сэтгэл санаа өөдрөг байхад ихээхэн нөлөөлдөг гэсэн байна.   


 

Уян хатан олон үйлдэлт бүхий оффисын зохион байгуулалт
 

Энэ жил олон үйлдэлт бүхий нүүж, зөөхөд хялбархан, эвхэгддэг, янз бүрээр ашиглаж болох тавилгууд трэнд болж байгаа билээ. Эдгээр тавилгуудыг өөрийн хүссэнээр зохион байгуулж болох юм. Зарим тохиолдолд хурлын танхимын зориулалтаар, зарим тохиолдолд энгийн оффисын өрөө болгож ашиглах боломжтой. Зай талбай хэмнэсэн



 



Бараан өнгө давамгайлна

 

Өнгөрсөн жилүүдэд цагаан өнгөөр давамгайлж байсан оффисын тавилгууд энэ жил бараан өнгийн царс модоор хийсэн, будган өнгө давамгайлах чиг хандлагатай байна. Будган тавилгын нэг онцлог нь хүссэн байгалийн өнгийг гаргаж болдгоороо онцлог юм. Хүрэн, хар өнгө нь  оффисыг илүү тансаг, гоёмсог харагдуулдаг бөгөөд энэ өнгийг байгалийн ногоон өнгөтэй хослуулахыг мэргэжилтнүүд зөвлөж байна. Ширээ, сандал адилхан өнгөтэй байх нь оффисыг уйтгартай харагдуулдаг. Тиймээс бараан өнгийн ширээтэй бол өнгөлөг сандал сонгох хэрэгтэй.





 

Ногоон байгууламжийг оффисдоо цогцлоо

 

Комьюпютер, гар утас гэх мэт технологиудыг өдөр тутмын ажилдаа ашигладаг учраас ажилчдын эрүүл мэндэд сөргөөр нөлөөлдөг. Тиймээс эдгээр технологийн хорыг багасгахын тулд оффисын цэцэрлэгжүүлэлт хийх хэрэгтэй. Босоо цэцэрлэг, ургамал, ногоон орон зайг үүсгэн, оффисын агаарыг цэвэршүүлж, эрүүл орчинд ажиллах нөхцлийг бүрдүүлэх нь чухал юм. Ийм орчин нөхцөлд ажилчдын ажилдаа төвлөрөх чадамж өндөрсөж, бүтээмж өсдөг байна. Ширээн дээр жижиг кактус тавихаас эхлээд оффиссоо ногоон болгох элементүүдийг ашиглахыг мэргэжилтнүүд зөвлөжээ.







 

Амралтын болон чөлөөт цагаа өнгөрүүлэх орчинг бүрдүүл

 

Google, Microsoft, Facebook зэрэг дэлхийн томоохон компаниуд илүү их амралт, илүү их цаг завыг ажилчдаа өгч, амрах өрөө бэлдэж өгснөөр ажлын бүтээмж гайхалтай өндөр болсныг баталсан билээ. Тиймээс энэ жил амрах цэцэрлэг, тоглоомын өрөө, кафе, хамт олонтойгоо цагийг хөгжилтэй өнгөрөөх чөлөөт орон зайг оффисын дэргэд зайлшгүй бий болгох хэрэгтэй юм.




Гэрэлтүүлэг

 

Оффисын харагдах байдал болон интерьерт гэрэлтүүлэг чухал байдаг. Лед гэрлийн технологийн ачаар олон гайхалтай өөрчлөлтгүүд дэлхийд бий болсон бөгөөд хамгийн гол нь эрчим хүчний хэмнэлттэй юм. Тиймээс өргөн цэлгэр цонх, гантиг чулуун шалыг зохимжит гэрэлтэй нийлүүлвэл өрөө маш саруулхан, орон зайтай харагддаг. Ялангуяа хүлээлгийн танхимыг гэгээлэг, саруулхан харагдуулхын тулд лед гэрлийг ашиглах хэрэгтэй бөгөөд буйдан болон ширээг цонхны хажууд байрлуулж өгснөөр хүлээж буй хүмүүст таатай сэтгэгдэл төрүүлдэг.




 

 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.