Барилгын материал, шинэ техник технологийн үзэсгэлэн болж байна

Барилгын материал, шинэ техник технологийн үзэсгэлэн болж байна

Барилгын салбарын удирдах ажилтны зөвлөгөөний хүрээнд “Улаанбаатар барилга 2019” олон улсын цуврал үзэсгэлэн зохион байгуулагдаж байгаа билээ. Гурван цуврал арга хэмжээний эхний үзэсгэлэн болох “Барилгын материал, шинэ техник технологийн үзэсгэлэн” өнөөдөр нээлтээ хийлээ. Үзэсгэлэн 3 хоногийн турш үргэлжлэх юм. Энэхүү үзэсгэлэнд “Барилга.мн сэтгүүл” болон “Барилгачин групп” өөрсдийн үйл ажиллагаа, шинээр зохион байгуулж буй хөнгөлөлт урамшуулалын талаар зочдоо танилцуулж, дэлгэрэнгүй мэдээлэл, зөвлөгөөг хүргэж байна.



Барилга.мн сэтгүүл нь “Захиалагч бүрт 100 сая” төгрөгний хөнгөлөлт, урамшуулал хэрхэн уншигчдын гар дээр очих тухай танилцуулж, 100 саяын ковер барьж зургаа даруулсан хүн бүрт гарын бэлгээ гардуулах болно. Мөн сэтгүүлийн захиалга авч байгаа бөгөөд шинэ дугаар худалдан авсан уншигч нартаа урамшуулал өгч байна.

Мөн “Барилгачин групп” - ээс  барилгын материалуудын талаар мэдээ мэдээлэл, амины орон сууцтай болохыг хүссэн хэрэглэгч нарт мэргэжлийн инженер зөвлөгөө өгч байгааг дуулгахад таатай байна.

Үзэсгэлэнгийн өдрүүдэд олон нийтэд зориулсан шинэ технологийг танилцуулах сургалт, 2018-2019 онд шинээр батлагдсан стандартын сургалтууд зохион байгуулагдахаас гадна, бараа бүтээгдэхүүн, орон сууцаа худалдах сурталчилгааны өдөрлөг зохион байгуулагдана. Энэхүү үзэсгэлэнд хүрэлцэн ирж, барилгын материал, шинэ орон сууцнуудын талаарх бүх мэдээллийг нэг дороос авах боломжтой юм.

 
Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.