2019 оны интерьерийн шийдлээс

2019 оны интерьерийн шийдлээс

Энэ жил цайвар шаргал, цагаан, саарал гэх мэт зөөлөн өнгө, 6 өнцөгт плита, паркет трэнд болж байгаа бөгөөд модыг байгалийн гантиг чулуутай хослуулан ашиглахыг мэргэжилтнүүд зөвлөж байна. Азийн интерьерийн чиг хандлагыг тодорхойлогчдын нэг “Ris” интерьер дизайны компани нь орон сууцны тансаг, гоёмсог, тав тухтай шийдлийг гаргаснаа танилцуулсан байна.



Дизайнерууд нь байгалийн гэрэл хэрхэн тусахыг тооцоолж, материалын өнгөний хослол, тавилга хоорондын зохицол зэргийг онцгойлон анхаарчээ. Мөн жижиг чимхлүүр зүйлс ч энэхүү шийдлийг бүрдүүлж байгаа юм.

 


Зочны өрөөний хувьд бор шаргал модон ханыг, цайвар цагаан гантиг чулуутай хослуулснаар тухайн орчинд амьдарч байгаа хүнд дулаан мэдрэмж төрүүлж, ая тухтай байх юм. Тавилгууд нилдээ зөөлөн өнгөтэй, модон хийцтэй. Хана, буйдан, тавилга нь шалны өнгийг илүү тодотгож өгчээ.
 


Харин гал тогооны өрөө минималист хэв маягтай, цайвар шаргал, цагаан, саарал өнгийг хослуулсан 6 өнцөг бүхий паркетыг ашиглажээ.

 













Унтлаганы өрөө, зочны болон гал тогооны өрөөний сандлууд нь өөр, өөрийн өвөрмөц шийдэлтэй бөгөөд долгиолсон мэт, хурц өнцөггүй байна.
 








 

Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.