“Газар хөдлөлийн инженерчлэл ба геотехникийн асуудал” хэлэлцэх олон улсын эрдэм шинжилгээний хурал болж байна

“Газар хөдлөлийн инженерчлэл ба геотехникийн асуудал” хэлэлцэх олон улсын эрдэм шинжилгээний хурал болж байна

ШУТИС- ийн Барилга архитектурын сургууль, Монголын барилгын инженерүүдийн холбоо хамтран “Газар хөдлөлийн инженерчлэл ба геотехникийн асуудлууд” хэлэлцэх олон улсын эрдэм шинжилгээний хурал өнөөдөр болж байна. Уг хуралд Япон улсын Тохоку их сургууль, Хирошима их сургуулийн эрдэмтэн судлаачид урилгаар оролцож байгаа юм.  Улаанбаатар хотын хувьд газар хөдлөлийн инженерчлэл, барилга байгууламжийн геотехникийн асуудлууд тулгамдаад байгаа. Тиймээс эдгээр асуудлуудаар ШУТИС - ийн эрдэмтэн судлаачид, ШУА - ийн одон орон , геофизикийн судалгааны хүрээлэн, барилгын зураг төслийн байгууллагууд онцгой байдлын ерөнхий газар , төрийн болон төрийн бус байгууллагуудын төлөөлөгчид оролцож байна.


 

Тус эрдэм шинжилгээний хуралд Токосу их сургуулийн профессор М.Мотосака “Хот төлөвлөлт, барилга байгууламжийн газар хөдлөлтийн эсрэг сейсмик асуудлууд” сэдвээр, Хирошима их сургуулийн профессор М.Миюури “Хөндлөн долгионы хурдны загварт үндэслэн газар хөдлөлтийг тооцох арга” сэдвээр, ОХУ- ын Санк - Петербургийн их сургуулийн геотехникийн тэнхимийн эрхлэгч доктор, профессор  Мангушев Р.А “Санкт - Петербургийн онцлог барилга байгууламжийн бүтээцийн онцлог” илтгэл тавих бол Монголын талаас ШУТИС - ийн профессор, академич Д.Дашжамц “Улаанбаатар хотын үерийн аюулын эрсдэл ба барилга байгууламжийг үер ба хөрсний уснаас хамгаалах инженерийн зохистой шийдэл” - ийн талаар, мөн судлаач Б.Насанбаяр “Улаанбаатар хотын ус хангамжийн нөөцийг сайжруулах сэдвээр, Одон орон геофизикийн хүрээлэнгийн судлаачид “Улаанбаатар хот орчмын хөрсний хариу спектрийг үнэлэх арга” болон “Монгол орны сейсмотектоникийн зураг” гэх мэт чухал чухал асуудлуудыг хөндсөн 20 гаруй илтгэл хэлэлцэх юм.


Эх сурвалж: Barilga.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.