Гэр хорооллын 22,250 айл өрхийг инженерийн шугам сүлжээнд холбоно

Гэр хорооллын 22,250 айл өрхийг инженерийн шугам сүлжээнд холбоно

Гэр хорооллын айлуудыг инженерийн дэд бүтцээр хангаж, тав тухтай, цахилгаан, цэвэр ус, хамгийн гол нь цэвэрлэх байгууламж, халуун устай болж, өөрийн эзэмшил хашаандаа тав тухтай амьдрах боломжтой болгох зорилгоор  “Дэд бүтцийн төв” төслийг НЗДТГ-аас хэрэгжүүлээд багагүй хугацаа өнгөрөөд байна. Энэ төслийн хамгийн эхний загвар төслийг Чингэлтэй дүүргийн 7 дугаар хорооны нутаг дэвсгэрийн 220 нэгж талбарыг хамарсан 14 га газарт хэрэгжүүлж байна. Тус төслийн хүрээнд 220 нэгж талбарын 285 айлын өрхийг инженерийн шугам сүлжээнд холбох бөгөөд эхний ээлжийн 33 айлыг дулаанд холбоод байна. Чингэлтэй дүүргийн 7 дугаар хороонд хэрэгжиж буй “Дэд бүтцийн төв” төсөлд хамрагдсан 285 айл өрхөөс 28 айл өрх шинээр амины орон сууц барьж, 104 айлын байшин сууцыг дулаалгын аянд хамруулсан байгаа юм.


Дээрх 285 айлыг халуун, хүйтэн, бохир усны шугамд холбохын тулд 5 хос шугам шинээр татсан. Дэд бүтцийн төвийн барилгын хувьд зоорийн давхарт цахилгааны 10 Квт дэд болон 0.4 Квт станцтай. Мөн СӨХ-ын үйл ажиллагаа явуулах болон оршин суугч иргэд нөхөрлөл байгуулан үйл ажиллагаа явуулж болох орчин нөхцөлөөр хангажээ. 
Улаанбаатар хотод гэр хороолол дунд баригдсан анхны байгууламж нь бие даасан цэвэрлэх байгууламжтай. Энэ нь хоногт 520 м/куб бохирыг цэвэрлэх хүчин чадалтай, дэлхийн  стандартад нийцсэн цэвэрлэх байгууламж юм. Бохирыг 99.99 хувь цэвэршүүлсэнээр элдэв үнэр ялгарахгүй, гарч буй бохир ультра ягаан туяагаар шарагдаж цэвэршдэг гээд олон давуу талтай аж. Төслийн хүрээнд дулааны 85 худаг, бохирын 92 худаг шинээр барьжээ. Мөн дулааны 2800 метр, бохирын 2200 метр , цэвэр усны 1200 метр, цахилгааны 2500 хос метр шугам тавигдсан байна.  


Ирэх сарын 15-наас 2.2 км гэрэлтүүлэг болон камержуулалттай авто замын ажил эхэлнэ. Мөн энэ орчимд оршин сууж төсөлд хамрагдсан иргэд хамтарч нийтийн эзэмшлийн зам талбай, явган хүний болон дугуйн зам байгуулах боломжтой. Өнөөдрийн байдлаар төвийн шугам оруулж холбогдсон 40 гаруй айл байна. 5 дугаар сарын 15 гэхэд бүрэн ашиглалтанд оруулж, улсын комиссд өгөхөөр тооцоолоод байгаа юм.
“Дэд бүтцийн төв” төсөл хэрэгжсэнээр агаар, хөрс, орчны бохирдол бүрэн үгүй болж, иргэд өөрийн өмчлөлийн газартаа амины орон сууц барьж, газрын үнэлгээ 3-4 дахин нэмэгдэн, эрүүл, аюулгүй, тав тухтай амьдрах нөхцөлөөр хангагдана. Төвлөрсөн шугам сүлжээнд холбоход техникийн шийдлийн хувьд боломжгүй 2,794 га бүхий гэр хорооллын дундын бүсэд  хэсэгчилсэн шугам сүлжээгээр хангах бөгөөд 2017-2020 онд нийт 50 ширхэг хэсэгчилсэн болон бие даасан инженерийн хангамжийг нэвтрүүлэх юм. Мөн дэд бүтцийн төвийг барьж байгуулах замаар 17,500 нэгж талбарын 22,250 айл өрхийг инженерийн шугам сүлжээнд холбохоор төлөвлөсөн байгаа юм.

 

 
Эх сурвалж: Barilga.mn

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    нямаа 10 өдрийн өмнө 59.153.113.82

    СХД-ийн 7 дугаар хорооны мон лаа хавьд ус дулаанд холбогдох боломж байгаа юу
    нямаа 10 өдрийн өмнө 59.153.113.82

    СХД-ийн 7 дугаар хорооны мон лаа хавьд ус дулаанд холбогдох боломж байгаа юу