Орон сууцанд амьдардаг өрхийн тоо 5.4 хувиар өсчээ

Орон сууцанд амьдардаг өрхийн тоо 5.4 хувиар өсчээ

Хүн ам, Өрхийн мэдээллийн санд 2019 оны нэгдүгээр сарын 25-ны байдлаар Монгол Улсад нийт 898.5 мянган өрх бүртгэлтэй байна. Нийт өрхийн 628.1 мянга буюу 69.9 хувь нь ердийн галлагаатай сууц буюу гэр хороололд амьдарч байгаа бол 247.1 мянга буюу 27.5 хувь нь төвлөрсөн системтэй орон сууцанд амьдарч байгаа гэсэн судалгаа гарчээ. Харин 17.8 мянга буюу 2.0 хувь нь нам даралтын зуухтай, 5.5 мянга буюу 0.6 хувь нь цахилгаан халаагууртай сууцанд амьдарч байна.

Харин Улаанбаатар хотод улсын нийт өрхийн 43.6 хувь буюу 391.7 мянган өрх амьдарч байгаа аж. Эдгээр өрхийг амьдарч буй сууцаар нь өнгөрсөн оны мөн үетэй харьцуулбал төвлөрсөн системтэй сууц буюу орон сууцанд амьдардаг өрхийн тоо 5.4 хувиар өсчээ.



Мөн нам даралтын зуухтай сууцанд амьдардаг өрх 4.6 хувь, цахилгаан халаагууртай сууцанд амьдардаг өрх 10.8 хувиар нэмэгдсэн байна. Харин ердийн галлагаатай сууцанд амьдардаг өрх 0.02 хувиар буурчээ. 

Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.